ಭಾನುವಾರ ಬೆಳಿಗ್ಗೆ ಬೆಂಗಳೂರು–ಹುಬ್ಬಳ್ಳಿ ಹಂಪಿ ಎಕ್ಸಪ್ರೆಸ್ (ಗಾಡಿ ಸಂಖ್ಯೆ 16591) ರೈಲು ಮುನಿರಾಬಾದ್ ನಿಲ್ದಾಣದಿಂದ ಪ್ರಯಾಣ ಬೆಳೆಸಿತ್ತು. ಚಲಿಸುವ ರೈಲು ಹತ್ತುವಾಗ ಮಹಿಳೆಯ ಕಾಲು ಜಾರಿ ಪ್ಲಾಟ್ಫಾರಂನಲ್ಲಿ ಉರುಳಾಡುತ್ತ ರೈಲಿನಡಿ ಬೀಳುತ್ತಿದ್ದಾಗ ರೈಲಿನಲ್ಲಿದ್ದ ರೈಲ್ವೆ ಸುರಕ್ಷತಾ ಪಡೆಯ ಯೂನುಸ್ ಹಾಗೂ ಪ್ರೇಮಕುಮಾರ ಅದನ್ನು ಗಮನಿಸಿ, ಮಹಿಳೆಯನ್ನು ರೈಲಿನೊಳಗೆ ಎಳೆದುಕೊಂಡು, ಆಗಬಹುದಾಗಿದ್ದ ದೊಡ್ಡ ಅಪಘಾತ ತಪ್ಪಿಸಿದ್ದಾರೆ.