ಅಂಗವಿಕಲರಿಗೆ ಉದ್ಯೋಗಾವಕಾಶ ಕಲ್ಪಿಸುವ ರಾಷ್ಟ್ರೀಯ ಕೇಂದ್ರದ ಕಾರ್ಯನಿರ್ವಾಹಕ ನಿರ್ದೇಶಕ ಅರ್ಮಾನ್ ಅಲಿ, ‘ಮಾನವ ಹಕ್ಕುಗಳನ್ನು ದೃಷ್ಟಿಯಲ್ಲಿಟ್ಟುಕೊಂಡು ಅಂಗವಿಕಲರ ಸಮಸ್ಯೆಯನ್ನು ನೋಡಬೇಕಾಗಿದೆ’ ಎಂದರು. ‘ಎಪಿಡಿ ಸಂಸ್ಥೆಯನ್ನು ಎನ್.ಎಸ್. ಹೇಮಾ ಅವರು, ಕೆಲವು ಅಂಗವಿಕಲ ಸ್ನೇಹಿತರೊಡಗೂಡಿ 1959ರಲ್ಲಿ ಸ್ಥಾಪಿಸಿದರು. ಅಂಗವಿಕಲರನ್ನು ಸ್ವಾವಲಂಬಿಯನ್ನಾಗಿಸಲು ತರಬೇತಿ ನೀಡುವ, ಉದ್ಯೋಗಾವಕಾಶ ಒದಗಿಸುವ ಕೆಲಸವನ್ನು ಸಂಸ್ಥೆ ಮಾಡುತ್ತಿದೆ’ ಎಂದು ಅವರು ಶ್ಲಾಘಿಸಿದರು.