ಆರಂಭದಲ್ಲಿ ವಾರ್ಡ್ ಗೆ ಒಬ್ಬರಂತೆ ಜನಸೇವಕರನ್ನು ನೇಮಿಸಲಾಗಿದ್ದು, ಇವರಿಗೆ ಟ್ಯಾಬ್, ಬ್ಯಾಡ್ಜ್ ಮತ್ತು ಸಮವಸ್ತ್ರ ನೀಡಲಾಗಿದೆ. ಬೆಳಿಗ್ಗೆ 8 ಗಂಟೆಯಿಂದ ರಾತ್ರಿ 8 ಗಂಟೆವರೆಗೆ ಕಾರ್ಯನಿರ್ವಹಿಸುವರು. ಸೇವೆ ಪಡೆಯಲು ಇಚ್ಚಿಸುವವರು 080-44554455 ನಂಬರ್ ಗೆ ಕರೆ ಮಾಡಿದಲ್ಲಿ ‘ಜನಸೇವಕ’ ಭೇಟಿ ನೀಡಿ, ಆನ್ಲೈನ್ನಲ್ಲಿ ಅರ್ಜಿ ಸ್ವೀಕರಿಸಿ, ದಾಖಲಾತಿಗಳನ್ನು ಪಡೆದ ನಂತರ, ಕಾಲಮಿತಿಯೊಳಗೆ ಸೇವೆಯನ್ನು ಮನೆ ಬಾಗಿಲಿಗೆ ತಲುಪಿಸುವುದು ಜನಸೇವಕರ ಕೆಲಸವಾಗಿರುತ್ತದೆ. ಇದಕ್ಕೆ ₹115 ಸೇವಾಶುಲ್ಕ ನೀಡಬೇಕಾಗುತ್ತದೆ.