ಮ್ಯಾಕ್ಸ್ ಲೈಫ್ ಇನ್‍ಶೂರೆನ್ಸ್ ‘ದಿ ರನ್- ಬೆಂಗಳೂರು’ ಮ್ಯಾರಥಾನ್‌ ಓಟವನ್ನು ಮಾರ್ಚ್ 3 ರಂದು ಆಯೋಜಿಸಿದ್ದು, ಸಾರ್ವಜನಿಕರಿಂದ ನೋಂದಣಿ ಪ್ರಕ್ರಿಯೆಗೆ ಚಾಲನೆ ನೀಡಿದೆ.
ಇದು 4ನೇ ಸರಣಿಯಾಗಿದ್ದು, ನಗರದ ನಾಗರಿಕರು, ಸ್ನೇಹಿತರು, ಕುಟುಂಬ ಸದಸ್ಯರು ಒಂದೆಡೆ ಸೇರಿ ಎಲ್ಲರ ಆರೋಗ್ಯ, ಕ್ಷೇಮಕ್ಕಾಗಿ ಓಡುವುದಾಗಿದೆ.
ಈ ಬಾರಿಯ ರನ್ ಅನ್ನು ಕುಟುಂಬಗಳಿಗಾಗಿ 5 ಕಿ.ಮೀ (8 ವರ್ಷ ಮೇಲ್ಪಟ್ಟವರು) ಮತ್ತು 10 ಕಿ.ಮೀ ದೂರದ ಓಟವನ್ನು ಎಲ್ಲರಿಗೂ ಮುಕ್ತಗೊಳಿಸಲಾಗಿದೆ. ಈ ಓಟದಲ್ಲಿ ವಿಜೇತರಾಗುವವರಿಗೆ ₹ 2 ಲಕ್ಷ ಬಹುಮಾನವೂ ಇದೆ.
ಈ ಓಟವು ಹಲವು ವೈಶಿಷ್ಟ್ಯಗಳನ್ನು ಹೊಂದಿರಲಿದೆ. ಪ್ರಮುಖವಾಗಿ ಸ್ನೇಹಿತರು ಮತ್ತು ಕುಟುಂಬ ಸದಸ್ಯರಿಗೆ ಮ್ಯೂಸಿಕ್, ಫುಡ್, ಡಾನ್ಸ್, ಏರೋಬಿಕ್ಸ್, ಜುಂಬಾ ಮತ್ತು ಪಿಲೇಟ್ಸ್‍ನಂತಹ ಸ್ಪರ್ಧೆಗಳು ಇರಲಿವೆ.
ನೋಂದಣಿಯಿಂದ ಸಂಗ್ರಹವಾಗುವ ಹಣವನ್ನು ‘ಜ್ವಾಲ’ ಎಂಬ ಸ್ವಯಂ ಸೇವಾ ಸಂಘಕ್ಕೆ ನೀಡಲಾಗುತ್ತದೆ. ಈ ಸಂಸ್ಥೆಯು ಭಾರತದಲ್ಲಿ ಮಹಿಳೆಯರ ಸ್ಥಾನಮಾನವನ್ನು ವೃದ್ಧಿಸುವ ನಿಟ್ಟಿನಲ್ಲಿ ಶ್ರಮಿಸುತ್ತಿದೆ.
