ಬೆಂಗಳೂರು: ಚಂದ್ರಾ ಬಡಾವಣೆಯ ಅಜೀಜ್ ಸೇಠ್ ಕೈಗಾರಿಕಾ ಪ್ರದೇಶದ ಕಾರ್ಖಾನೆಯೊಂದರಲ್ಲಿ ಲಿಫ್ಟ್‌ಗೆ ಸಿಲುಕಿ ಕೂಲಿ ಕಾರ್ಮಿಕ ಮೃತಪಟ್ಟಿರುವ ಘಟನೆ ಮಂಗಳವಾರ ನಡೆದಿದೆ.
ಬಿಹಾರದ ಇಂದ್ರಜಿತ್ ಕುಮಾರ್ (19) ಮೃತ ಕಾರ್ಮಿಕ.
ಮನನ್ ಪ್ರಾಡಕ್ಟ್‌ ಇಂಡಿಯಾ ಎಂಬ ತಾಮ್ರದ ತಂತಿ ತಯಾರಿಸುವ ಕಾರ್ಖಾನೆಯಲ್ಲಿ ಇಂದ್ರಜಿತ್ ಹೆಲ್ಪರ್‌ ಆಗಿ ಕೆಲಸ ಮಾಡುತ್ತಿದ್ದರು.
ಲಿಫ್ಟ್‌ನಲ್ಲಿನೆಲಮಹಡಿಯಿಂದ ಕಾಪರ್ ಹಾಕಿಕೊಂಡು ಮೊದಲ ಮಹಡಿಗೆ ಹೋಗಿ ವಾಪಸ್ ಬರುವಾಗ, ಲಿಫ್ಟ್ ಏಕಾಏಕಿ ಕೆಳಕ್ಕೆ ಕುಸಿದಿದೆ. ಈ ವೇಳೆ ಇಂದ್ರಜಿತ್ ತಲೆಗೆ ಕಬ್ಬಿಣದ ಗೇಟ್ ಹೊಡೆದು, ಗಂಭೀರವಾಗಿ ಗಾಯಗೊಂಡರು. ಆಸ್ಪತ್ರೆಗೆ ಕರೆದೊಯ್ದುವಾಗ ಮೃತಪಟ್ಟರು.
