ಬೆಂಗಳೂರು/ಆನೇಕಲ್: ಬನ್ನೇರುಘಟ್ಟ ಸಮೀಪದ ಟುಲಿಪ್ಸ್ ರೆಸಾರ್ಟ್ನಲ್ಲಿ ಗುರುವಾರ ಬೆಳಿಗ್ಗೆ ಗೋಡೆ ಕುಸಿದು ಬೆಂಗಳೂರಿನ ಫ್ಲಾರೆನ್ಸ್ ಪ್ರೌಢ ಶಾಲೆಯ ನಾಲ್ಕು ವಿದ್ಯಾರ್ಥಿಗಳು ಗಾಯಗೊಂಡಿದ್ದಾರೆ.
ಎಸ್ಸೆಸ್ಸೆಲ್ಸಿ ವಿದ್ಯಾರ್ಥಿಗಳಾದ ಅಬ್ದುಲ್ ವಾಸೀಂ, ಸೈಯದ್ ಇಮ್ರಾನ್, ಮಹಮ್ಮದ್ ಆಸೀಂ ಅಲ್ತಾಫ್ ಮತ್ತು ಮಹಮ್ಮದ್ ಫೈಜಲ್ ಗಾಯಗೊಂಡವರು.
ಫ್ಲಾರೆನ್ಸ್ ಪ್ರೌಢ ಶಾಲೆ ಫ್ರೇಜರ್ಟೌನ್ನ ಬಳಿ ಇದೆ. ಆ ಶಾಲೆಯ 88 ವಿದ್ಯಾರ್ಥಿಗಳು, ಭೋದಕ ಸಿಬ್ಬಂದಿ ಜತೆ ಟುಲಿಪ್ಸ್ ರೆಸಾರ್ಟ್ಗೆ ಲಘು ಪ್ರವಾಸಕ್ಕೆ ಬಂದಿದ್ದ ಸಂದರ್ಭದಲ್ಲಿ ಈ ದುರ್ಘಟನೆ ನಡೆದಿದೆ. ಘಟನೆಯಲ್ಲಿ ಸೈಯದ್ ಇಮ್ರಾನ್ನ ಕಾಲಿಗೆ, ವಾಸೀಂ ಮತ್ತು ಅಲ್ತಾಫ್ನ ಹಣೆಗೆ ಹಾಗೂ ಫೈಜಲ್ನ ಕೈಗೆ ಪೆಟ್ಟಾಗಿದೆ.