ಬಸವಕಲ್ಯಾಣ: ‘ಅಂಬೇಡ್ಕರ್ ಅವರು ಬ್ರಿಟಿಷರ ನೆಲದಲ್ಲಿಯೇ ಹೋಗಿ ಭಾರತ ಬಿಟ್ಟು ತೊಲಗುವಂತೆ ಎಚ್ಚರಿಕೆ ನೀಡಿ ಮಹಾತ್ಮ ಗಾಂಧೀಜಿ ಅವರಿಂದ ಶ್ಲಾಘನೆಗೆ ಒಳಗಾಗಿದ್ದರು' ಎಂದು ಪೀಪಲ್ಸ್ ರಿಪಬ್ಲಿಕನ್ ಪಾರ್ಟಿ ಆಫ್ ಇಂಡಿಯಾದ ರಾಷ್ಟ್ರೀಯ ಅಧ್ಯಕ್ಷ ಪ್ರೊ.ಜೋಗೇಂದ್ರ ಕವಾಡೆ ಹೇಳಿದರು.
ತಾಲ್ಲೂಕಿನ ಹಾರಕೂಡದಲ್ಲಿ ಶುಕ್ರವಾರ ದಿ ಗ್ರೇಟ್ ಮಹಾರ್ ಸೇವಾ ಸಮಿತಿ ಹಾಗೂ ಭೀಮನಗರದಿಂದ ಆಯೋಜಿಸಿದ್ದ ಅಂಬೇಡ್ಕರ್ ಜಯಂತಿ ಕಾರ್ಯಕ್ರಮದಲ್ಲಿ ಮಾತನಾಡಿದರು.
‘ಕೆಲವರು ಸಂವಿಧಾನ ಬದಲಾವಣೆಯ ಮಾತು ಆಡುತ್ತಾರೆ. ಹೀಗಾದರೆ ಜಾತಿ, ಧರ್ಮದ ಆಧಾರದಲ್ಲಿ ದೇಶದಲ್ಲಿ ಒಡಕು ಮೂಡುವುದು ನಿಶ್ಚಿತ. ಅನ್ಯ ಜಾತಿಯವರು ಮತ್ತು ಮಠಾಧೀಶರು ಜಾತಿವಾದದ ಮುಕ್ತಿಗೆ ಪ್ರಯತ್ನಿಸಬೇಕು’ ಎಂದರು.
