ಬೀದರ್‌: ವೆಂಕಟೇಶ್ವರ ಶಿಕ್ಷಣ ಸಂಸ್ಥೆ ಅಡಿಯಲ್ಲಿ ನಡೆಯುತ್ತಿರುವ ಸಪ್ತಗಿರಿ ಪದವಿ ಪೂರ್ವ ವಿಜ್ಞಾನ ಕಾಲೇಜಿಗೆ ಪಿಯು ದ್ವಿತೀಯ ವರ್ಷದ ವಾರ್ಷಿಕ ಪರೀಕ್ಷೆಯಲ್ಲಿ ನೂರಕ್ಕೆ ನೂರರಷ್ಟು ಫಲಿತಾಂಶ ಬಂದಿದೆ.
ಪರೀಕ್ಷೆಗೆ ಹಾಜರಾದ ಒಟ್ಟು 179 ವಿದ್ಯಾರ್ಥಿಗಳಲ್ಲಿ 80 ಅಗ್ರ ಶ್ರೇಣಿಯಲ್ಲಿ, 99 ವಿದ್ಯಾರ್ಥಿಗಳು ಪ್ರಥಮ ಶ್ರೇಣಿಯಲ್ಲಿ ಉತ್ತೀರ್ಣರಾಗಿದ್ದಾರೆ. ವಿಕಾಸ ರಾಚಣ್ಣಾ ಶೇ 97ರಷ್ಟು ಅಂಕ, ರಂಜಿತಾ ಕುಶಾಲರಾವ, ಅಭಿಷೇಕ ವಿಠಲ, ಸೌಮ್ಯ ಕಲ್ಲಪ್ಪಾ ಶೇ 96, ಸಂದೀಪ ರಮೇಶ, ಸಾಯಿನಾಥ ಗೋಪಾಲ, ನವಿನಾ ಬಕ್ಕಪ್ಪ, ಮೊಹಮ್ಮದ್‌ ಕುತಬುದ್ದೀನ್ ಎಂ.ಡಿ. ಗಫರ್ ಶೇ 95 ಅಂಕಗಳನ್ನು ಗಳಿಸಿ, ಅಗ್ರ ಶ್ರೇಣಿಯಲ್ಲಿ ಉತ್ತೀರ್ಣರಾಗಿದ್ದಾರೆ.
ವಿದ್ಯಾರ್ಥಿಗಳ ಸಾಧನೆಗೆ ಕಾಲೇಜಿನ ಪ್ರಾಚಾರ್ಯ ಗೋವಿಂದ ಡಿ. ತಾಂದಳೆ ಹಾಗೂ ಸಿಬ್ಬಂದಿ ಸಂತಸ ವ್ಯಕ್ತಪಡಿಸಿದ್ದಾರೆ.
