ಮಹಾರಾಷ್ಟ್ರದ ರಾಯಗಡದ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ‘ಎಚ್ಪಿ ಫ್ಯೂಯೆಲ್ ಕನೆಕ್ಟ್’ ವಾಹನವು ಭಾರಿ ಯಂತ್ರೋಪಕರಣಗಳನ್ನು ಹೊಂದಿರುವ ಗ್ರಾಹಕರಿಗೆ ಡೀಸೆಲ್ ವಿತರಿಸಲಿದೆ. ಷಾಪಿಂಗ್ ಮಾಲ್ ಮತ್ತು ವಾಣಿಜ್ಯ ಸಂಕೀರ್ಣಗಳಲ್ಲಿ ವಿದ್ಯುತ್ ವ್ಯತ್ಯಯ ಆದಾಗ ಡೀಸೆಲ್ ಜನರೇಟರ್ ಬಳಸಲಾಗುತ್ತದೆ. ಈ ಗ್ರಾಹಕರನ್ನು ಸೆಳೆಯುವ ಉದ್ದೇಶದಿಂದ ಕಂಪನಿ ಈ ಸೇವೆಗೆ ಚಾಲನೆ ನೀಡಿದೆ. ಇದರಿಂದ ಸಮಯದ ಜತೆಗೆ ಸಾಗಣೆ ವೆಚ್ಚವೂ ಕಡಿಮೆ ಆಗಲಿದೆ. ಸುರಕ್ಷಿತ ಸಾಗಣೆಯೂ ಸಾಧ್ಯವಾಗಲಿದೆ ಎಂದು ಹೇಳಿದೆ.