ನಾಯಿ ದಾಳಿಗೆ ಜಿಂಕೆ ಬಲಿ

ಗ್ರಾಮದ ಸಮೀಪ ಗೋವಿನಜೋಳದ ಗದ್ದೆಯಲ್ಲಿ ಜಿಂಕೆ ಸಂಚರಿಸುತ್ತಿದ್ದಾಗ, ಒಮ್ಮಿಂದೊಮ್ಮೆಲೆ ಐದಾರು ನಾಯಿಗಳು ದಾಳಿ ನಡೆಸಿವೆ. ಜೀವ ಉಳಿಸಿಕೊಳ್ಳಲು ಜಿಂಕೆಯು ಗದ್ದೆಯಲ್ಲಿ ಅತ್ತಿಂದಿತ್ತ ಓಡಾಡಿದೆ. ಆದರೂ ನಾಯಿಗಳು ಬೆನ್ನಟ್ಟಿ, ಜಿಂಕೆಯ ಹಿಂಬದಿ ಕಾಲಿನ ಭಾಗ, ಕುತ್ತಿಗೆ ಕೆಳಭಾಗದಲ್ಲಿ ಕಚ್ಚಿ, ಗಂಭೀರವಾಗಿ ಗಾಯಗೊಳಿಸಿವೆ. ಗ್ರಾಮಸ್ಥರು ನಾಯಿಗಳನ್ನು ಓಡಿಸಿ, ಜಿಂಕೆಯನ್ನು ಉಳಿಸುವ ಪ್ರಯತ್ನ ಮಾಡಿದರು.

‘ನಾಯಿ ದಾಳಿಗೆ ಬಲಿಯಾದ ಗಂಡುಜಿಂಕೆಯನ್ನು ಪಶುವೈದ್ಯರು ಪರೀಕ್ಷಿಸಿದರು. ನಂತರ ಗ್ರಾಮಸ್ಥರ ಸಹಕಾರದಿಂದ ಕಾಡಂಚಿನಲ್ಲಿ ಸುಡಲಾಯಿತು’ ಎಂದು ಇಂದೂರ ಉಪವಲಯ ಅರಣ್ಯಾಧಿಕಾರಿ ಬಸವರಾಜ ಪೂಜಾರಿ ಹೇಳಿದರು.