‘6 ವರ್ಷಗಳ ಹಿಂದೆ ನಮ್ಮ ಸಂತೆ ಮೈದಾನದಲ್ಲಿ ಎಪಿಎಂಸಿ ವತಿಯಿಂದ ನಿರ್ಮಿಸಲಾಗಿದ್ದ ವಿಶಾಲವಾದ ಶೆಲ್ಟರ್ ಅನ್ನೂ ಸೇರಿಕೊಂಡಂತೆ, ಈಗ ಹೊಸದಾಗಿ 200 ಅಡಿ ಉದ್ದ 150 ಅಡಿ ಅಗಲದ ನಿವೇಶನದಲ್ಲಿ ಶೆಲ್ಟರ್ ನಿರ್ಮಿಸಲಾಗುವುದು. ಇದರಲ್ಲಿ ಹೂವು, ಹಣ್ಣು ತರಕಾರಿ, ದಿನಸಿ, ತಿಂಡಿ, ಬಟ್ಟೆ, ಚಪ್ಪಲಿ ಮತ್ತು ಇತರ ವಸ್ತುಗಳ ಮಾರಾಟಕ್ಕೆ ಅವಕಾಶ ನೀಡಲಾಗುವುದು. ಇಲ್ಲಿನ ಸೋಮವಾರದ ಸಂತೆಗೆ 22 ಗ್ರಾಮಗಳ ಜನ ಖರೀದಿಗೆ ಬರುತ್ತಾರೆ. ಜನರಿಗೆ ಅನುಕೂಲವಾಗಲು ಗ್ರಾಮ ಪಂಚಾಯಿತಿ ಈ ಕಾಮಗಾರಿಯನ್ನು ಕೈಗೊಂಡಿದೆ’ ಎಂದು ಗ್ರಾಮ ಪಂಚಾಯಿತಿ ಪಿಡಿಒ ಅನಿಲ್ ಕುಮಾರ್ ತಿಳಿಸಿದರು.