ಹುಬ್ಬಳ್ಳಿ: ಹುಬ್ಬಳ್ಳಿ–ಧಾರವಾಡ ಮಹಾನಗರ ಪಾಲಿಕೆ ಹಾಗೂ ವಿವಿಧ ಇಲಾಖೆಗಳ ಸಹಯೋಗದಲ್ಲಿ ಏರ್ಪಡಿಸಲಾಗಿದ್ದ ಉದ್ಯಾನಗಳ ಸ್ಪರ್ಧೆಯಲ್ಲಿ ಧಾರವಾಡದ ಆಯುಕ್ತರ ಕಚೇರಿ, ಮೃತ್ಯುಂಜಯ ಉದ್ಯಾನ ಹಾಗೂ ಆಝಾದ್‌ ಪಾರ್ಕ್‌ ಉದ್ಯಾನಕ್ಕೆ ಚಾಂಪಿಯನ್‌ ಬಹುಮಾನ ನೀಡಲಾಗಿದೆ.
ಒಟ್ಟು 42 ಉದ್ಯಾನಗಳು ಸ್ಪರ್ಧೆಯಲ್ಲಿ ಇದ್ದವು. 3 ಚಾಂಪಿಯನ್‌, 9 ಪ್ರಥಮ, 11 ದ್ವಿತೀಯ ಬಹುಮಾನ ನೀಡಲಾಗಿದೆ.
ಪ್ರಥಮ: ನವನಗರ ಮುಖ್ಯ ಉದ್ಯಾನ, ಹುಬ್ಬಳ್ಳಿಯ ಅಧ್ಯಾಪಕನಗರ, ಲಿಂಗರಾಜನಗರ, ಶ್ರೀನಿವಾಸನಗರ, ಆಯುಕ್ತರ ಮುಖ್ಯ ಕಚೇರಿಯ ಎದುರಿನ ಉದ್ಯಾನ, ಆಯುಕ್ತರ ಬಂಗಲೆ ಉದ್ಯಾನ, ಚಿಕ್ಕವೀರಯ್ಯ ಪ್ಲಾಟ್‌, ಧಾರವಾಡದ ರಜತಗಿರಿ, ಕೊಪ್ಪದಕೇರಿ ಶಿವಾಲಯ ಉದ್ಯಾನ.
ದ್ವಿತೀಯ: ಹುಬ್ಬಳ್ಳಿಯ ಬೃಂದಾವನ ಕಾಲೊನಿ, ಮಹಾವೀರ ಕಾಲೊನಿ, ಶೆಟ್ಟರ್‌ ಲೇಔಟ್‌, ಬನಶಂಕರಿ ಬಡಾವಣೆ, ಕುಮಾರ್ ಪಾರ್ಕ್‌, ರೇಣುಕಾನಗರ, ಶ್ರೀರಾಮ ಕಾಲೊನಿ, ಬಾಲಭವನ, ಶಿರೂರ ಪಾರ್ಕ್‌ 1 ನೇ ಹಂತ, ನಾಡಗೌಡ ಬಡಾವಣೆ ಉದ್ಯಾನ.
ಹುಬ್ಬಳ್ಳಿ–ಧಾರವಾಡ ಮಹಾನಗರ ಪಾಲಿಕೆ ಉದ್ಯಾನಗಳ ವಿಭಾಗಕ್ಕೆ 1 ಜನರಲ್‌ ಚಾಂಪಿಯನ್‌, ಫಲ–ಪುಷ್ಪ ಪ್ರದರ್ಶನದ ಅಂಗವಾಗಿ ಹೂ–ಕುಂಡಗಳ ವಿಭಾಗದಲ್ಲಿ 17 ಪ್ರಥಮ, 9 ದ್ವಿತೀಯ ಹಾಗೂ ಫಲ ಪುಷ್ಪ ಪ್ರದರ್ಶನದಲ್ಲಿ ರನ್ನರ್‌ ಅಪ್‌ ಪ್ರಶಸ್ತಿ ಲಭಿಸಿದೆ.
