‘ಎಲ್ಲ ಸಾಹಿತ್ಯದ ಮೂಲ ಜನಪದ’

ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್‌ ವತಿಯಿಂದ ನಗರದ ಎಂ.ಬಿ.ಹುಯಿಲ ಗೋಳ ಶಿಕ್ಷಣ ಮಹಾವಿದ್ಯಾಲಯದಲ್ಲಿ ನಡೆದ ಹರಿದಾಸಭಟ್ ಸ್ಮರಣಾರ್ಥ ದತ್ತಿ ಉಪನ್ಯಾಸ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು. ‘ಜಾನಪದ ಹಾಡುಗಳು ಶ್ರಮ ಸಂಸ್ಕೃತಿ ಪ್ರತೀಕವಾಗಿವೆ. ಗದಗ ಜಿಲ್ಲೆಯ ಪರಿಸರದ ಜನಪದರು ಲಯವಾಗಿ ಈ ಪದಗಳನ್ನು ಹಾಡುವುದು ವಿಶೇಷ’ ಎಂದರು.

ವಿದ್ಯಾದಾನ ಸಮಿತಿ ಕಾರ್ಯದರ್ಶಿ ಶ್ರೀನಿವಾಸ ಹುಯಿಲಗೋಳ ಅವರು ಅಧ್ಯಕ್ಷತೆ ವಹಿಸಿದ್ದರು. ‘ಬಾಲ್ಯದಲ್ಲಿ ಕೇಳು ತ್ತಿದ್ದ ಗೀಗಿ ಪದಗಳು, ರಿವಾಯತ್ ಪದಗಳು, ಸೋಬಾನೆ ಪದಗಳು ಇಂದು ಕಿವಿಗೆ ಬೀಳುತ್ತಿಲ್ಲ. ಬದಲಿಗೆ ಚಲನಚಿತ್ರ ಗೀತೆಗಳು ಕಿವಿಗೆ ಅಪ್ಪಳಿಸುತ್ತಿವೆ. ಜನಪದ ಸಾಹಿತ್ಯ ಅಳಿವಿನ ಅಂಚಿಗೆ ಬಂದು ನಿಂತಿದೆ’ ಎಂದು ವಿಷಾದಿಸಿದರು.

ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತಿನ ಸಂಚಾಲಕ ಶಿವಾನಂದ ಗಿಡ್ನಂದಿ ಸ್ವಾಗತಿ ಸಿದರು. ‘20ನೇ ಶತಮಾನದಲ್ಲಿ ಕರ್ನಾ ಟಕ ಕಂಡ ಅಪರೂಪದ ವಿದ್ವಾಂಸರಲ್ಲಿ ಪ್ರೊ.ಕು.ಶಿ.ಹರಿದಾಸಭಟ್ಟರು ಪ್ರಮುಖರು, ಸಾಹಿತಿ, ಅಂಕಣಕಾರ, ಜನಪದ ವಿದ್ವಾಂಸ, ಶಿಕ್ಷಣ ತಜ್ಞ, ಸಾಂಸ್ಕತಿಕ ಹರಿಕಾರ, ವಿಮರ್ಶಕ ಹೀಗೆ ಹಲವು ವಿಶೇಷಣಗಳಿಂದ ಅವರನ್ನು ಗುರುತಿಸಬಹುದು. 50 ಕೃತಿಗಳನ್ನು ಕನ್ನಡ ಸಾಹಿತ್ಯ ಲೋಕಕ್ಕೆ ನೀಡಿದ ಅವರು, ‘ಲೋಕಾಭಿರಾಮ’ದ ಅಂಕಣಕಾರರಾಗಿ ಜನಪ್ರಿಯತೆ ಗಳಿಸಿ ದ್ದರು’ ಎಂದು ಸ್ಮರಿಸಿದರು. 

ಗದಗ ಕ್ಷೇತ್ರ ಸಂಪನ್ಮೂಲ ಕೇಂದ್ರದ ಸಮನ್ವಯಾಧಿಕಾರಿ ಐ.ಆರ್.ಅಕ್ಕಿ ಮಾತ ನಾಡಿ, ‘ಜನಪದ ಸಾಹಿತ್ಯ ಬಂಗಾರ ಇದ್ದಂತೆ. ಅದರಲ್ಲಿರುವ ಸತ್ವ ತತ್ವಗಳನ್ನು ಪ್ರತಿಯೊಬ್ಬರೂ ಅರಿತುಕೊಳ್ಳಬೇಕು, ಗ್ರಾಮೀಣ ಭಾಗದಲ್ಲಿ ಸಂಪನ್ನವಾಗಿರುವ ಜನಪದ ಸಾಹಿತ್ಯವನ್ನು ಹೊಸ ತಲೆ ಮಾರು ಸ್ವೀಕರಿಸಿ, ಬೆಳೆಸುವ ಅಗತ್ಯವಿದೆ’ ಎಂದು ಅಭಿಪ್ರಾಯಪಟ್ಟರು.

ಜಯದೇವ ಭಟ್, ಅನಂತ ಭಟ್, ಪ್ರಾಚಾರ್ಯ  ವಿ.ಪಿ.ಪಾಟೀಲ, ಗಂಗಾ ಪವಾರ, ಬಾಹುಬಲಿ ಜೈನರ್, ದತ್ತ ಪ್ರಸನ್ನ ಪಾಟೀಲ ಇದ್ದರು. ಮೀನಾಕ್ಷಿ ಯಳವತ್ತಿ ನಿರೂಪಿಸಿದರು. ಬಸವರಾಜ ವಂದಿಸಿದರು.