PHOTOS: ಚಿಂಚೋಳಿ ತಾಲ್ಲೂಕಿನಲ್ಲಿ ಕಂಪಿಸಿದ ಭೂಮಿ, ಬಿಕೋ ಎನ್ನುತ್ತಿರುವ ಗಡಿಕೇಶ್ವಾರ ಗ್ರಾಮ
ಕಲಬುರ್ಗಿ ಜಿಲ್ಲೆಯ ಚಿಂಚೋಳಿ ತಾಲ್ಲೂಕಿನ ಗಡಿಕೇಶ್ವಾರ ಗ್ರಾಮದಲ್ಲಿ ಮಂಗಳವಾರ ಮತ್ತೆ ಭೂಕಂಪನ ಸಂಭವಿಸಿದ್ದು, ಜನರು ಊರು ತೊರೆದಿದ್ದಾರೆ. ಮನೆಗಳಿಗೆ ಕೀಲಿ ಹಾಕಿದ್ದು, ರಸ್ತೆಗಳು ಬಿಕೋ ಎನ್ನುತ್ತಿವೆ. 10ಕ್ಕೂ ಹೆಚ್ಚು ಮನೆಗಳ ಗೋಡೆ ಕುಸಿದು ಹಾನಿ ಸಂಭವಿಸಿದೆ. ಗ್ರಾಮದ ಬಾಣಂತಿಯರು ತಮ್ಮ ಪುಟ್ಟ ಮಕ್ಕಳೊಂದಿಗೆ ಜೀವಭಯದಲ್ಲೇ ಬದುಕುವಂತಾಗಿದೆ. ಹಲವು ಮನೆಗಳಿಗೆ ಪರಸಿಗಳನ್ನೇ ಹೆಂಚುಗಳ ಮಾದರಿಯಲ್ಲಿ ಬಳಸಿದ್ದರಿಂದ ಈ ಗ್ರಾಮದಲ್ಲಿ ಭೂಕಂಪ ಉಂಟಾದಾಗ ಜನರಲ್ಲಿ ಹೆಚ್ಚು ಭಯ ಮೂಡುತ್ತದೆ. ಹಲವು ಜನ ಮಂಗಳವಾರ ಟ್ರ್ಯಾಕ್ಟರ್, ಬಸ್, ಲಾರಿಗಳಲ್ಲಿ ಹತ್ತಿ ಸುರಕ್ಷಿತ ಸ್ಥಳಗಳಿಗೆ ತೆರಳಿದರು. -ಪ್ರಜಾವಾಣಿ ಚಿತ್ರಗಳು : ತಾಜುದ್ಧೀನ್ ಆಜಾದ್