ಗುಲಬರ್ಗಾ ನ್ಯಾಯವಾದಿಗಳ ಸಂಘದ ಅಧ್ಯಕ್ಷರಾಗಿ ಕಡಗಂಚಿ

ಬುಧವಾರ ನಡೆದ ಚುನಾವಣೆಯಲ್ಲಿ ರಾಜಕುಮಾರ ಅವರು ತಮ್ಮ ಸಮೀಪದ ಪ್ರತಿಸ್ಪರ್ಧಿ ಸಯ್ಯದ್ ಮಸ್ತಾನ್ ಅವರನ್ನು 234 ಮತಗಳ ಅಂತರದಿಂದ ಪರಾಭವಗೊಳಿಸಿದರು. ರಾಜಕುಮಾರ ಅವರು 638 ಮತಗಳನ್ನು ಪಡೆದರೆ ಮಸ್ತಾನ್ ಅವರು 404 ಮತಗಳನ್ನು ಪಡೆದರು. ಉಪಾಧ್ಯಕ್ಷರಾಗಿ ಫತ್ರುಬಿ ಖಾಸಿಂ ಶಾ 388 ಮತಗಳನ್ನು ಪಡೆದು ಆಯ್ಕೆಯಾದರು. ಪ್ರಧಾನ ಕಾರ್ಯದರ್ಶಿಯಾಗಿ ಪಿ.ಎನ್. ಕಪನೂರ (725), ಜಂಟಿ ಕಾರ್ಯದರ್ಶಿಯಾಗಿ ದೇವನಾಥ ಎಸ್. ಮಾಳಗೆ (690), ಖಜಾಂಚಿಯಾಗಿ ವಿಶ್ವರಾಧ್ಯ ಕೆ. ಇಜೇರಿ 793 ಮತಗಳನ್ನು ಪಡೆದು ಆಯ್ಕೆಯಾದರು.

ಸಂಘದ ಹೈಕೋರ್ಟ್ ಘಟಕದ ಉಪಾಧ್ಯಕ್ಷರಾಗಿ ಬಸವರಾಜ ಆರ್. ಮಠ (188) ಚುನಾಯಿತರಾದರು. ಪ್ರಧಾನ ಕಾರ್ಯದರ್ಶಿಯಾಗಿ ಗೌರೀಶ ಎಸ್‌. ಕಾಶೆಂಪೂರ (182), ಜಂಟಿ ಕಾರ್ಯದರ್ಶಿಯಾಗಿ ವೀರಶೆಟ್ಟಿ ಕೊಂಡಂಪಲ್ಲಿ (109) ಹಾಗೂ ಖಜಾಂಚಿಯಾಗಿ ನಾಗರಾಜ ಪಾಟೀಲ 183 ಮತಗಳನ್ನು ಪಡೆದು ಆಯ್ಕೆಯಾದರು.

ಮುಖ್ಯ ಚುನಾವಣಾಧಿಕಾರಿ ಗಂಗಾಧರ ಬಿ.ಮುನ್ನಳ್ಳಿ, ಸಹಾಯಕ ಚುನಾವಣಾಧಿಕಾರಿ ವೀರನಗೌಡ ಬಿರಾದಾರ ನೂತನ ಮಂಡಳಿಯನ್ನು ಘೋಷಣೆ ಮಾಡಿದರು.