‘ಮಹಾನ್ ನಿರ್ಯುದ್ಧಾರಾಧನೆ’ ಗದ್ಯ ರೂಪದ ಮಹಾಕಾವ್ಯ 548 ಪುಟಗಳನ್ನು ಹೊಂದಿದೆ. ಇದನ್ನು ಬರೆಯಲು ಏಳೂವರೆ ವರ್ಷ ತೆಗೆದುಕೊಂಡರು. ಇದರ ಜೊತೆ ಜೊತೆಗೇ ‘ಮಹಾನ್ ಭಿಕ್ಖುಗಳು’ ಎಂಬ ಪದ್ಯರೂಪದ ಮಹಾಕಾವ್ಯ ರಚಿಸಿದ್ದು, ಇದೂ ಸಹ 500 ಪುಟಗಳನ್ನು ಹೊಂದಿದೆ. ಡಿಟಿಪಿ–ಮುಖಪುಟ ಎಲ್ಲವೂ ಪೂರ್ಣಗೊಂಡಿದ್ದು, ಮುದ್ರಣ ಮಾತ್ರ ಬಾಕಿ ಇದೆ. ಅನಾರೋಗ್ಯದಿಂದ ಬಳಲುತ್ತಿದ್ದರೂ ಚೆನ್ನಣ್ಣ ಅವರು ಇವುಗಳ ಪ್ರಕಟಣೆ ಕೋರಿ ಕೆಲ ಪ್ರಕಾಶಕರ ಬಳಿ ಹೋಗಿದ್ದರು. ಆದರೆ, ಹೆಚ್ಚು ಪುಟಗಳನ್ನು ಹೊಂದಿವೆ ಎಂಬ ಕಾರಣಕ್ಕೆ ಪ್ರಕಾಶಕರು ಇವುಗಳ ಪ್ರಕಟಣೆಗೆ ಮುಂದಾಗಿಲ್ಲ’ ಎಂದು ಅವರ ಆಪ್ತರೊಬ್ಬರು ‘ಪ್ರಜಾವಾಣಿ’ಗೆ ತಿಳಿಸಿದರು.