ಸುಂಟಿಕೊಪ್ಪ: ಹನುಮ ಜಯಂತಿ, ವಾರ್ಷಿಕೋತ್ಸವ

ಬೆಳಿಗ್ಗೆ ನವಗ್ರಹ ಪೂಜೆ, ಗಣಪತಿ ಹೋಮ, ಆಂಜನೇಯ ದೇವರಿಗೆ ಅಭಿಷೇಕ, ಅಲಂಕಾರ ಪೂಜೆ, ವೀಳ್ಯದೆಲೆ ಅರ್ಚನೆ, ಕುಂಕುಮಾರ್ಚನೆ, ತುಳಸಿ ಅರ್ಚನೆ, ಮಹಾಪೂಜೆ ನಡೆಯಿತು. ಮದ್ಯಾಹ್ನ ಮಹಾಮಂಗಳಾರತಿ, ಪ್ರಸಾದ ವಿನಿಯೋಗ ನೆರವೇರಿತು.

ಕೊಡಗರಹಳ್ಳಿ, ಏಳನೇ ಹೊಸಕೋಟೆ, ಸುಂಟಿಕೊಪ್ಪ, ಎಮ್ಮೆಗುಂಡಿ ಸೇರಿದ ನೆರೆದಿದ್ದ ಭಕ್ತರಿಗೆ ಅನ್ನಸಂತರ್ಪಣೆ ಏರ್ಪಾಡಿಸಲಾಗಿತ್ತು. ಗ್ರಾಮದ ನೂರಾರು ಭಕ್ತರು ಪಾಲ್ಗೊಂಡಿದ್ದರು.

ಅರ್ಚಕರಾದ ಹಾ.ಮಾ.ಗಣೇಶ್ ಶರ್ಮಾ, ನರಸಿಂಹ ಭಟ್, ಶಿವ ಶೇಷಾದ್ರಿ ಭಟ್, ಚಂದ್ರು ಭಟ್ ಪೂಜೆ ನಡೆಸಿಕೊಟ್ಟರು.