ಓಡದ ಮಕ್ಕಳ ರೈಲು; ಕಾರ್ಯರೂಪಕ್ಕೆ ಬಾರದ ಯೋಜನೆ

ಮಡಿಕೇರಿ: ರೈಲ್ವೆ ಸಂಪರ್ಕವೇ ಇರದ ಜಿಲ್ಲೆ ಎನಿಸಿದ ಕೊಡಗು ಜಿಲ್ಲೆಯಲ್ಲಿಯೂ ಒಂದು ರೈಲು ಓಡುತ್ತಿತ್ತು. ರಾಜಾಸೀಟ್ ಉದ್ಯಾನಕ್ಕೆ ಬಂದವರಿಗೆಲ್ಲ ಈ ರೈಲು ಅಚ್ಚುಮೆಚ್ಚಿನದ್ದಾಗಿತ್ತು. ರೈಲನ್ನೇ ನೋಡಿರದ ಇಲ್ಲಿನ ಬಡ ಮಕ್ಕಳಿಗಂತೂ ಅಪ್ಯಾಯಮಾನವಾಗಿತ್ತು. ಆದರೆ, ಈಗ ಅದು ನಿಂತು ವರ್ಷಗಳೇ ಉರುಳಿವೆ.

. ಈಗ ಹಳೆಯ ರೈಲ್ವೆ ಟ್ರ್ಯಾಕ್, ತುಕ್ಕು ಹಿಡಿದು ನಿಂತಿರುವ ಬೋಗಿಗಳು ಗತಕಾಲದ ಪಳೆಯುಳಿಕೆಗಳನ್ನು ನೋಡಿದಂತೆ ಭಾಸವಾಗುತ್ತದೆ. ಇಂದಿಗೂ ಹಿರಿಯರು ಈ ರೈಲು ಓಡುತ್ತಿದ್ದ ಪರಿ, ಅದರಿಂದ ಕೇಳಿ ಬರುತ್ತಿದ್ದ ಚುಕುಬುಕು ಸದ್ದು, ಅದರ ಮೇಲೆ ತಾವು ಮಕ್ಕಳಿದ್ದಾಗ ವಿಹರಿಸುತ್ತಿದ್ದ ಬಗೆಗಳನ್ನು ನೆನೆಯುತ್ತಾರೆ. ಜೊತೆಗೆ, ಈ ರೈಲಿನ ಸ್ಥಿತಿ ಕಂಡು ಮಮ್ಮಲ ಮರುಗುತ್ತಾರೆ.

. ಒಂದೆಡೆ ರೈಲ್ವೆ ಸಂಪರ್ಕವನ್ನೇ ಕಾಣದ ಕೊಡಗಿನ ಮಕ್ಕಳು ರೈಲಿನ ಅನುಭವ ಪಡೆಯಲು ಇದ್ದ ಏಕೈಕ ರೈಲು ಮೂಲೆ ಸೇರಿದ್ದರೆ, ಮತ್ತೊಂದೆಡೆ ಮೈಸೂರಿನ ರೈಲ್ವೆ ಸಂಗ್ರಹಾಲಯದಲ್ಲಿ ಮಕ್ಕಳ ರೈಲುಗಳು ಮಾತ್ರವಲ್ಲ, ಹಳೆಯ ರೈಲುಗಳಿಗೂ ಜೀವ ತುಂಬಲಾಗಿದೆ. ಅಕ್ಕಪಕ್ಕದ ಜಿಲ್ಲೆಯಲ್ಲಿರುವ ಈ ಅಗಾಧ ವ್ಯತ್ಯಾಸಕ್ಕೆ ದೂರುವುದಾದರೂ ಯಾರನ್ನು ಎಂಬ ಪ್ರಶ್ನೆ ಇಲ್ಲಿನ ಜನರದ್ದು.

. ರಾಜಾಸೀಟ್ ಉದ್ಯಾನದಲ್ಲಿ ಮಕ್ಕಳ ರೈಲನ್ನು ಪುನರ್ ಆರಂಭಿಸಲು ರೈಲ್ವೆ ಇಲಾಖೆಗೆ ಪ್ರಸ್ತಾವ ಸಲ್ಲಿಸಿ ವರ್ಷಗಳೂ ಉರುಳಿವೆ. ಅಲ್ಲಿಂದಲೂ ತಜ್ಞರ ತಂಡ ಬಂದು ಪರಿಶೀಲನೆ ಮಾಡಿ, ವರದಿ ನೀಡಿದೆ. ಈ ವರದಿಯ ಮೇಲೆ ಯಾರೊಬ್ಬರೂ ಕಣ್ಣಾಯಿಸಿಲ್ಲ. ಇದೂ ಮೂಲೆ ಸೇರಿದ್ದು, ಮಕ್ಕಳನ್ನೇ ಕೇಂದ್ರೀಕರಿಸಿಕೊಂಡಿರುವ ಈ ಯೋಜನೆ ಹಳ್ಳ ಹಿಡಿದಿದೆ.

. ಇಂತಹದ್ದೊಂದು ಯೋಜನೆ ಬದಲಿಗೆ ಈಚೆಗಷ್ಟೇ ಇಲ್ಲೊಂದು ಗಾಜಿನ ಸೇತುವೆ ನಿರ್ಮಿಸಲು ಇನ್ನಿಲ್ಲದ ಕಸರತ್ತು ನಡೆದಿತ್ತು. ಮುಗುಮ್ಮಾಗಿಯೇ ಟೆಂಡರ್ ಕರೆದು ಟೆಂಡರ್ ಸಹ ಆಗಿತ್ತು. ಆದರೆ, ಸ್ಥಳೀಯರ ಪ್ರಬಲ ವಿರೋಧದಿಂದಾಗಿ ಈ ಯೋಜನೆಯನ್ನು ಸ್ಥಗಿತಗೊಳಿಸಲಾಯಿತು. ಇಷ್ಟೆಲ್ಲ ಮಾಡುವವರಿಗೆ ಇಲ್ಲೊಂದು ಮಕ್ಕಳ ರೈಲು ಇತ್ತು ಎಂಬುದಾದರೂ ನೆನಪಿಗೆ ಬಾರದೇ ಹೋಗಿದ್ದು ಸೋಜಿಗ ಮೂಡಿಸುತ್ತದೆ ಎಂದು ಸ್ಥಳೀಯರು ದೂರುತ್ತಾರೆ.

. ಗ್ರೇಟರ್ ರಾಜಾಸೀಟ್ ನಿರ್ಮಾಣವಾದಾಗಲೂ ಮಕ್ಕಳ ರೈಲಿಗೆ ಜೀವ ತುಂಬುವ ಕೆಲಸವನ್ನು ಯಾರೂ ಮಾಡಲಿಲ್ಲ. ಈ ಗ್ರೇಟರ್ ರಾಜಾಸೀಟ್ನಲ್ಲಿ ಮಕ್ಕಳಿಗಾಗಿ ಸಾಹಸ ಕ್ರೀಡೆಗಳಿಗೆ ಬೇಕಾದ ಪರಿಕರಗಳನ್ನು ಅಳವಡಿಸಲಾಯಿತಾದರೂ, ಅವು ಹಣ ಇದ್ದವರಿಗಷ್ಟೇ ಮೀಸಲಾಗಿವೆ. ಬಡ ಮಕ್ಕಳು ಈ ಆಟಗಳನ್ನು ಕೇವಲ ನೋಡಿಯೇ ಆನಂದಿಸುವ ಸನ್ನಿವೇಶ ಇದೆ. ಇಂತಹ ಬಡ ಮತ್ತು ಮಧ್ಯಮ ವರ್ಗದ ಮಕ್ಕಳ ಮನರಂಜನೆಗಾಗಿಯಾದರೂ ಹಿಂದೆ ಇದ್ದಂತೆ ಮಕ್ಕಳ ರೈಲು ಇಲ್ಲಿ ಸಂಚರಿಸಬೇಕು ಎಂಬುದು ಜನರ ಒತ್ತಾಯ.

. ಮುಂದೆ ನಡೆಯುವ ರಾಜಾಸೀಟ್ ಉದ್ಯಾನ ಅಭಿವೃದ್ಧಿ ಕುರಿತು ಸಭೆ ಅಥವಾ ಜಿಲ್ಲಾ ಪ್ರಗತಿ ಪರಿಶೀಲನಾ ಸಭೆಯಲ್ಲಾದರೂ ಈ ವಿಷಯ ಪ್ರಸ್ತಾಪವಾಗಿ, ಮಕ್ಕಳ ರೈಲಿಗೆ ಮತ್ತೆ ಜೀವ ಬರಬಹುದೇ ಎಂಬ ನಿರೀಕ್ಷೆ ಇಲ್ಲಿನ ಜನರದ್ದು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಓಡದ ಮಕ್ಕಳ ರೈಲು; ಕಾರ್ಯರೂಪಕ್ಕೆ ಬಾರದ ಯೋಜನೆ

ಚಿನಕುರುಳಿ: ಗುರುವಾರ, 13 ನವೆಂಬರ್ 2025

ಮೇಕೆದಾಟು ಯೋಜನೆ: ತಮಿಳುನಾಡು ಅರ್ಜಿ ವಜಾಗೊಳಿಸಿದ ಸುಪ್ರೀಂಕೋರ್ಟ್; ರಾಜ್ಯಕ್ಕೆ ಜಯ

Gold, Silver Rate | ಚಿನ್ನದ ದರ ₹3 ಸಾವಿರ, ಬೆಳ್ಳಿ ಬೆಲೆ ₹7,700 ಏರಿಕೆ

ಚುರುಮುರಿ: ಸೆರೆಮನೆ–ಅರಮನೆ

IND vs SA 1st Test: ಪಂತ್ ಪುನರಾಗಮನ; ಟಾಸ್ ಗೆದ್ದ ದ.ಆಫ್ರಿಕಾ ಬ್ಯಾಟಿಂಗ್

IND vs SA 1st Test: ಭಾರತದ ಬ್ಯಾಟರ್‌ಗಳಿಗೆ 'ಸ್ಪಿನ್ ಟೆಸ್ಟ್'

IND A vs SA A ಕ್ರಿಕೆಟ್: ಋತುರಾಜ್ ಶತಕದ ಸೊಬಗು

ಏಷ್ಯನ್ ಆರ್ಚರಿ ಚಾಂಪಿಯನ್‌ಷಿಪ್‌: ಮಿಂಚಿದ ಜ್ಯೋತಿ; ಭಾರತಕ್ಕೆ 3 ಚಿನ್ನ

ಒಳನೋಟ | Bengaluru Tunnel Road: ಸುರಂಗ; ವಿ–ವಾದ ತರಂಗ

ಒಳನೋಟ | ತೋಟಕ್ಕೆ ಕಾಡುಪ್ರಾಣಿಗಳ ದಾಳಿ: ಕೃಷಿಕರಿಗೆ ಕೋತಿ, ನವಿಲು, ಹಂದಿಗಳ ಒಳೇಟು

ಒಳನೋಟ: ಪೌಷ್ಠಿಕ ಯೋಜನೆಯಡಿ ಬುಡಕಟ್ಟು ಜನರಿಗೆ ‘ಕಳಪೆ’ ಆಹಾರ ಪೂರೈಕೆ

ಆಧುನಿಕತೆ ಮಧ್ಯೆ ನಲುಗಿದ ಕುಲಕಸುಬು: ಕತ್ತಲಲ್ಲಿ ಕುಂಬಾರರ ಬದುಕು

ಚಿನಕುರುಳಿ: ಗುರುವಾರ, 13 ನವೆಂಬರ್ 2025

ಮೇಕೆದಾಟು ಯೋಜನೆ: ತಮಿಳುನಾಡು ಅರ್ಜಿ ವಜಾಗೊಳಿಸಿದ ಸುಪ್ರೀಂಕೋರ್ಟ್; ರಾಜ್ಯಕ್ಕೆ ಜಯ

Gold, Silver Rate | ಚಿನ್ನದ ದರ ₹3 ಸಾವಿರ, ಬೆಳ್ಳಿ ಬೆಲೆ ₹7,700 ಏರಿಕೆ

ಚುರುಮುರಿ: ಸೆರೆಮನೆ–ಅರಮನೆ