ಕೋಲಾರ: ನಗರಸಭೆಯ ವಾಣಿಜ್ಯ ಮಳಿಗೆ ಆವರಣದಲ್ಲಿ ಅಕ್ರಮವಾಗಿದ್ದ ಅಂಗಡಿಯನ್ನು ನಗರಸಭೆ ಅಧಿಕಾರಿಗಳು ಶನಿವಾರ ಸಂಜೆ ತೆರವುಗೊಳಿಸಿದರು. ಅಂತರಗಂಗೆ ರಸ್ತೆಯಲ್ಲಿರುವ ನಗರಸಭೆಯ 6 ಅಂಗಡಿ ಮಳಿಗೆಗಳಲ್ಲಿ ಒಂದನ್ನು ₹ 75 ಸಾವಿರ ಮುಂಗಡ ಪಡೆದು ಪಿ.ಎಸ್.ಮಂಜುನಾಥ್ ಎಂಬುವವರಿಗೆ ಹರಾಜಿನ ಮೂಲಕ ನೀಡಲಾಗಿತ್ತು. ಆದರೆ ನಗರಾಭಿವೃದ್ಧಿ ಪ್ರಾಧಿಕಾರದ ಆಯುಕ್ತರು ಈ ಹರಾಜು ಪ್ರಕ್ರಿಯೆಯನ್ನು ರದ್ದುಗೊಳಿಸಿ 6 ಮಳಿಗೆಯನ್ನು ತಮ್ಮ ವಶಕ್ಕೆ ಪಡೆದಿದ್ದರು.