ಮಂಡ್ಯ: ಬೆಂಗಳೂರಿನಲ್ಲಿ ಮಾರಾಟ ಮಾಡಲಾಗಿದೆ ಎನ್ನಲಾದ ಒಂದೂವರೆ ತಿಂಗಳ ಹೆಣ್ಣು ಮಗುವೊಂದನ್ನು ಮಳವಳ್ಳಿ ತಾಲ್ಲೂಕು ಮಾಡಳ್ಳಿದೊಡ್ಡಿ ಗ್ರಾಮದಲ್ಲಿ ಸೋಮವಾರ ರಕ್ಷಣೆ ಮಾಡಲಾಗಿದೆ.
ಮಕ್ಕಳ ಹಕ್ಕುಗಳ ನಿರ್ದೇಶನಾಲಯದ ತಂಡ ಹಾಗೂ ಹಲಗೂರು ಠಾಣೆ ಪೊಲೀಸರು ಜಂಟಿಯಾಗಿ ಮಾಡಳ್ಳಿದೊಡ್ಡಿಯ ಬಸವರಾಜು ಅವರ ಮನೆಗೆ ದಾಳಿ ನಡೆಸಿದರು. ಅವರ ಬಳಿ ಬೆಳೆಯುತ್ತಿದ್ದ ಮಗುವನ್ನು ವಶಕ್ಕೆ ಪಡೆದು ಮಕ್ಕಳ ಹಕ್ಕುಗಳ ರಕ್ಷಣಾಧಿಕಾರಿಗಳ ಸುಪರ್ದಿಗೆ ನೀಡಿದರು.
‘ಸದ್ಯ ಮಗುವನ್ನು ದತ್ತು ಕೇಂದ್ರದಲ್ಲಿ ಆರೈಕೆ ಮಾಡಲಾಗುತ್ತಿದೆ. ಮಾಡಳ್ಳಿದೊಡ್ಡಿ ಗ್ರಾಮದ ಬಸವರಾಜ್‌ ಮನೆಗೆ ಆ ಮಗು ಹೇಗೆ ಬಂತು ಎಂಬ ವಿಚಾರಣೆ ನಡೆಸಲಾಗುತ್ತಿದೆ’ ಎಂದು ಜಿಲ್ಲಾ ಮಕ್ಕಳ ರಕ್ಷಣಾಧಿಕಾರಿ ರಶ್ಮಿ ತಿಳಿಸಿದರು.
