ಬೆಂಗಳೂರಿನ ಕಡೆಗೂ ಮೇಲ್ದರ್ಜೆ: ಅಲ್ಲದೇ, 1 ರಿಂದ 4ನೇ ಪ್ಲಾಟ್‌ಫಾರ್ಮ್‌ನಿಂದ ಬೆಂಗಳೂರು ಮಾರ್ಗಕ್ಕೆ ರೈಲುಗಳು ಸಂಚರಿಸುತ್ತಿವೆ. ಆದರೆ, ಈ ಸಂಚಾರ ಅವಧಿಯಲ್ಲಿ ಬೆಂಗಳೂರು ಕಡೆಯಿಂದ ರೈಲುಗಳು ಬರಬೇಕಾದಲ್ಲಿ ನಿಲುಗಡೆಗೆ ಸಮಸ್ಯೆಯಾಗುತ್ತಿದೆ. ಇದರಿಂದ ಬೆಂಗಳೂರು ಮಾರ್ಗವಾಗಿ ರೈಲುಗಳು ಸಂಚರಿಸುವಾಗ ಕಾಯಬೇಕಾದ ಅನಿವಾರ್ಯತೆ ಇದೆ. ಈ ಸಮಸ್ಯೆಯನ್ನು ಸರಿಪಡಿಸಲು ಸಮಾನಾಂತರ ರೈಲು ಹಳಿಗಳನ್ನು ಜೋಡಿಸಲಾಗುತ್ತಿದೆ. ಇದರಿಂದ ಏಕಕಾಲಕಾಲಕ್ಕೆ ರೈಲುಗಳು ಬರುವುದು, ಹೋಗುವುದು ಸಾಧ್ಯವಾಗ ಲಿದೆ ಎಂದು ರೈಲ್ವೆ ಮೂಲಗಳು ‘ಪ್ರಜಾವಾಣಿ’ಗೆ ತಿಳಿಸಿದವು.
