<p><strong>ರಾಯಚೂರು</strong>: ಜಿಲ್ಲೆಯಲ್ಲಿ ಚಳಿ ಇಲ್ಲದಿದ್ದರೂ ವಾತಾವರಣ ಸ್ವಲ್ಪಮಟ್ಟಿಗೆ ತಂಪಾಗಿದೆ. ಬಿಸಿಲು ಇನ್ನೂ ಗರಿಬಿಚ್ಚಿಕೊಂಡಿಲ್ಲ. ನೀರಾವರಿ ಪ್ರದೇಶಗಳಲ್ಲೂ ಮೆಣಸಿನಕಾಯಿ ಬಿಟ್ಟರೆ ಬೇರೆ ತರಕಾರಿ ಬೆಳೆಗಳನ್ನು ಬೆಳೆದಿಲ್ಲ. ಹೀಗಾಗಿ ಹೊರ ಜಿಲ್ಲೆಗಳ ತರಕಾರಿಯೇ ರಾಯಚೂರು ಮಾರುಕಟ್ಟೆಗೆ ಬರುತ್ತಿದೆ.</p>.<p>ಕಳೆದ ವಾರ ಪ್ರತಿ ಕೆ.ಜಿಗೆ ₹ 60 ಇದ್ದ ಈರುಳ್ಳಿ ಬೆಲೆ ಅರ್ಧಕ್ಕೆ ಇಳಿದಿದೆ. ನಿತ್ಯ ಅಡುಗೆಗೆ ಬೇಕಿರುವ ಈರುಳ್ಳಿ ಬೆಲೆ ಕಡಿಮೆಯಾಗಿರುವುದು ಗ್ರಾಹಕರಲ್ಲಿ ಸಂತಸ ಮೂಡಿಸಿದೆ. ಆದರೆ, ಬೆಳ್ಳುಳ್ಳಿಯ ಬೆಲೆ ಇಳಿಯುವ ಲಕ್ಷಣಗಳು ಕಂಡು ಬರುತ್ತಿಲ್ಲ. ಹೀಗಾಗಿ ಗ್ರಾಹಕರು ಈರುಳ್ಳಿ ಬಳಕೆಯನ್ನೂ ಸ್ವಲ್ಪಮಟ್ಟಿಗೆ ಕಡಿಮೆ ಮಾಡಿದ್ದಾರೆ.</p>.<p>ಹಿರೇಕಾಯಿ ಬೆಲೆ ಮಾರುಕಟ್ಟೆಯಲ್ಲಿ ಈ ವಾರವೂ ಪ್ರಭಾವ ಉಳಿಸಿಕೊಂಡಿದೆ. ಬೆಂಡೆಕಾಯಿ, ತೊಂಡೆಕಾಯಿ ಹಾಗೂ ಡೊಣಮೆಣಸಿನಕಾಯಿ, ತುಪ್ಪದ ಹಿರೇಕಾಯಿ, ಚವಳೆಕಾಯಿ ಹಾಗೂ ಸೌತೆಕಾಯಿ ಸಹ ಹಿರೇಕಾಯಿಗೆ ಸರಿಸಾಟಿಯಾಗಿ ನಿಂತಿವೆ.</p>.<p>ತರಕಾರಿ ರಾಜ ಬದನೆಕಾಯಿ ಮಾರುಕಟ್ಟೆಯಲ್ಲಿ ಸ್ಥಿರತೆ ಕಾಯ್ದುಕೊಂಡಿದೆ. ಹೊಕೋಸು, ಗಜ್ಜರಿ, ಬೀಟ್ರೂಟ್, ಬೀನ್ಸ್, ಹಾಗಲಕಾಯಿ ಹಾಗೂ ಔರೆಕಾಯಿ ಮಾರುಕಟ್ಟೆಯಲ್ಲಿ ತರಕಾರಿ ರಾಜನಿಗೆ ಬೆಂಬಲವಾಗಿ ನಿಂತರೆ, ಆಲೂಗಡ್ಡೆ ಹಾಗೂ ಎಲೆಕೋಸು ಗ್ರಾಹಕರ ಹಿತಕಾಪಾಡಿವೆ.</p>.<p>ತೆಲಂಗಾಣದ ಜಿಲ್ಲೆಗಳಿಂದ ಹಿರೇಕಾಯಿ, ಗಜ್ಜರಿ, ಔರೆಕಾಯಿ, ಎಲೆಕೋಸು, ಹೂಕೋಸು ಹಾಗೂ ಸೊಪ್ಪು, ನಾಸಿಕ್ನಿಂದ ಈರುಳ್ಳಿ ಹಾಗೂ ಬೆಳ್ಳುಳ್ಳಿ ಆವಕವಾಗಿದೆ. ಬೆಳಗಾವಿ ಜಿಲ್ಲೆಯಿಂದ ಹಸಿ ಮೆಣಸಿನಕಾಯಿ, ಕೊತ್ತಂಬರಿ, ಮೆಂತೆ ಸೊಪ್ಪು ಹಾಗೂ ಗೆಣಸಿನಕಾಯಿ ತರಕಾರಿ ಸಗಟು ಮಾರುಕಟ್ಟೆಗೆ ಬಂದಿದೆ.</p>.<p>‘ಬೇಸಿಗೆ ಇನ್ನೂ ದೂರ ಇದೆ. ಆಗಲೇ ಕೆಲ ತರಕಾರಿಗಳ ಬೆಲೆ ಹೆಚ್ಚಾಗಿದೆ. ಬಿಸಿಲು ಹೆಚ್ಚಿದಂತೆ ತರಕಾರಿ ಬೆಲೆಯಲ್ಲೂ ಏರಿಕೆಯಾಗಲಿದೆ. ರಾಯಚೂರಿಗೆ ಸದ್ಯ ಹೊರ ಜಿಲ್ಲೆಗಳಿಂದಲೇ ಸೊಪ್ಪು ಬರುತ್ತಿದೆ’ ಎಂದು ತರಕಾರಿ ವ್ಯಾಪಾರಿ ಕೆ.ಶಶಿಕುಮಾರ ಹೇಳುತ್ತಾರೆ.</p>.<p>ತರಕಾರಿ;ಕಳೆದ ವಾರ;ಈ ವಾರ (ಪ್ರತಿ ಕೆ.ಜಿಗೆ ₹ಗಳಲ್ಲಿ) ಈರುಳ್ಳಿ;40–60;20-30 ಬೆಳ್ಳುಳ್ಳಿ;280-300;280-300 ಆಲೂಗಡ್ಡೆ;25-30;30-30 ಮೆಣಸಿನಕಾಯಿ;25–30;50-60 ಎಲೆಕೋಸು;50–60;40-40 ಹೂಕೋಸು;40-40;50-60 ಗಜ್ಜರಿ;40-40;55-60 ಬೀಟ್ರೂಟ್;55–60;60-60 ಬೀನ್ಸ್;40–40;55-60 ಟೊಮೆಟೊ;30–30;30–30 ಬದನೆಕಾಯಿ;35-40;55-60 ಹಿರೇಕಾಯಿ;60–80;70-80 ಬೆಂಡೆಕಾಯಿ;55-60;70-80 ತೊಂಡೆಕಾಯಿ;55-60;70-80 ಡೊಣಮೆಣಸಿನಕಾಯಿ;55–60;70-80 ತುಪ್ಪದ ಹಿರೇಕಾಯಿ;560–60;70-80 ಚವಳೆಕಾಯಿ;80–100;70-80 ಸೌತೆಕಾಯಿ;50-60;50-60 ಹಾಗಲಕಾಯಿ;50-60;50-60 ಔರೆಕಾಯಿ;50-60;50-60 ನುಗ್ಗೆಕಾಯಿ;₹70ಕ್ಕೆ 9 ನುಗ್ಗೆಕಾಯಿ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ರಾಯಚೂರು</strong>: ಜಿಲ್ಲೆಯಲ್ಲಿ ಚಳಿ ಇಲ್ಲದಿದ್ದರೂ ವಾತಾವರಣ ಸ್ವಲ್ಪಮಟ್ಟಿಗೆ ತಂಪಾಗಿದೆ. ಬಿಸಿಲು ಇನ್ನೂ ಗರಿಬಿಚ್ಚಿಕೊಂಡಿಲ್ಲ. ನೀರಾವರಿ ಪ್ರದೇಶಗಳಲ್ಲೂ ಮೆಣಸಿನಕಾಯಿ ಬಿಟ್ಟರೆ ಬೇರೆ ತರಕಾರಿ ಬೆಳೆಗಳನ್ನು ಬೆಳೆದಿಲ್ಲ. ಹೀಗಾಗಿ ಹೊರ ಜಿಲ್ಲೆಗಳ ತರಕಾರಿಯೇ ರಾಯಚೂರು ಮಾರುಕಟ್ಟೆಗೆ ಬರುತ್ತಿದೆ.</p>.<p>ಕಳೆದ ವಾರ ಪ್ರತಿ ಕೆ.ಜಿಗೆ ₹ 60 ಇದ್ದ ಈರುಳ್ಳಿ ಬೆಲೆ ಅರ್ಧಕ್ಕೆ ಇಳಿದಿದೆ. ನಿತ್ಯ ಅಡುಗೆಗೆ ಬೇಕಿರುವ ಈರುಳ್ಳಿ ಬೆಲೆ ಕಡಿಮೆಯಾಗಿರುವುದು ಗ್ರಾಹಕರಲ್ಲಿ ಸಂತಸ ಮೂಡಿಸಿದೆ. ಆದರೆ, ಬೆಳ್ಳುಳ್ಳಿಯ ಬೆಲೆ ಇಳಿಯುವ ಲಕ್ಷಣಗಳು ಕಂಡು ಬರುತ್ತಿಲ್ಲ. ಹೀಗಾಗಿ ಗ್ರಾಹಕರು ಈರುಳ್ಳಿ ಬಳಕೆಯನ್ನೂ ಸ್ವಲ್ಪಮಟ್ಟಿಗೆ ಕಡಿಮೆ ಮಾಡಿದ್ದಾರೆ.</p>.<p>ಹಿರೇಕಾಯಿ ಬೆಲೆ ಮಾರುಕಟ್ಟೆಯಲ್ಲಿ ಈ ವಾರವೂ ಪ್ರಭಾವ ಉಳಿಸಿಕೊಂಡಿದೆ. ಬೆಂಡೆಕಾಯಿ, ತೊಂಡೆಕಾಯಿ ಹಾಗೂ ಡೊಣಮೆಣಸಿನಕಾಯಿ, ತುಪ್ಪದ ಹಿರೇಕಾಯಿ, ಚವಳೆಕಾಯಿ ಹಾಗೂ ಸೌತೆಕಾಯಿ ಸಹ ಹಿರೇಕಾಯಿಗೆ ಸರಿಸಾಟಿಯಾಗಿ ನಿಂತಿವೆ.</p>.<p>ತರಕಾರಿ ರಾಜ ಬದನೆಕಾಯಿ ಮಾರುಕಟ್ಟೆಯಲ್ಲಿ ಸ್ಥಿರತೆ ಕಾಯ್ದುಕೊಂಡಿದೆ. ಹೊಕೋಸು, ಗಜ್ಜರಿ, ಬೀಟ್ರೂಟ್, ಬೀನ್ಸ್, ಹಾಗಲಕಾಯಿ ಹಾಗೂ ಔರೆಕಾಯಿ ಮಾರುಕಟ್ಟೆಯಲ್ಲಿ ತರಕಾರಿ ರಾಜನಿಗೆ ಬೆಂಬಲವಾಗಿ ನಿಂತರೆ, ಆಲೂಗಡ್ಡೆ ಹಾಗೂ ಎಲೆಕೋಸು ಗ್ರಾಹಕರ ಹಿತಕಾಪಾಡಿವೆ.</p>.<p>ತೆಲಂಗಾಣದ ಜಿಲ್ಲೆಗಳಿಂದ ಹಿರೇಕಾಯಿ, ಗಜ್ಜರಿ, ಔರೆಕಾಯಿ, ಎಲೆಕೋಸು, ಹೂಕೋಸು ಹಾಗೂ ಸೊಪ್ಪು, ನಾಸಿಕ್ನಿಂದ ಈರುಳ್ಳಿ ಹಾಗೂ ಬೆಳ್ಳುಳ್ಳಿ ಆವಕವಾಗಿದೆ. ಬೆಳಗಾವಿ ಜಿಲ್ಲೆಯಿಂದ ಹಸಿ ಮೆಣಸಿನಕಾಯಿ, ಕೊತ್ತಂಬರಿ, ಮೆಂತೆ ಸೊಪ್ಪು ಹಾಗೂ ಗೆಣಸಿನಕಾಯಿ ತರಕಾರಿ ಸಗಟು ಮಾರುಕಟ್ಟೆಗೆ ಬಂದಿದೆ.</p>.<p>‘ಬೇಸಿಗೆ ಇನ್ನೂ ದೂರ ಇದೆ. ಆಗಲೇ ಕೆಲ ತರಕಾರಿಗಳ ಬೆಲೆ ಹೆಚ್ಚಾಗಿದೆ. ಬಿಸಿಲು ಹೆಚ್ಚಿದಂತೆ ತರಕಾರಿ ಬೆಲೆಯಲ್ಲೂ ಏರಿಕೆಯಾಗಲಿದೆ. ರಾಯಚೂರಿಗೆ ಸದ್ಯ ಹೊರ ಜಿಲ್ಲೆಗಳಿಂದಲೇ ಸೊಪ್ಪು ಬರುತ್ತಿದೆ’ ಎಂದು ತರಕಾರಿ ವ್ಯಾಪಾರಿ ಕೆ.ಶಶಿಕುಮಾರ ಹೇಳುತ್ತಾರೆ.</p>.<p>ತರಕಾರಿ;ಕಳೆದ ವಾರ;ಈ ವಾರ (ಪ್ರತಿ ಕೆ.ಜಿಗೆ ₹ಗಳಲ್ಲಿ) ಈರುಳ್ಳಿ;40–60;20-30 ಬೆಳ್ಳುಳ್ಳಿ;280-300;280-300 ಆಲೂಗಡ್ಡೆ;25-30;30-30 ಮೆಣಸಿನಕಾಯಿ;25–30;50-60 ಎಲೆಕೋಸು;50–60;40-40 ಹೂಕೋಸು;40-40;50-60 ಗಜ್ಜರಿ;40-40;55-60 ಬೀಟ್ರೂಟ್;55–60;60-60 ಬೀನ್ಸ್;40–40;55-60 ಟೊಮೆಟೊ;30–30;30–30 ಬದನೆಕಾಯಿ;35-40;55-60 ಹಿರೇಕಾಯಿ;60–80;70-80 ಬೆಂಡೆಕಾಯಿ;55-60;70-80 ತೊಂಡೆಕಾಯಿ;55-60;70-80 ಡೊಣಮೆಣಸಿನಕಾಯಿ;55–60;70-80 ತುಪ್ಪದ ಹಿರೇಕಾಯಿ;560–60;70-80 ಚವಳೆಕಾಯಿ;80–100;70-80 ಸೌತೆಕಾಯಿ;50-60;50-60 ಹಾಗಲಕಾಯಿ;50-60;50-60 ಔರೆಕಾಯಿ;50-60;50-60 ನುಗ್ಗೆಕಾಯಿ;₹70ಕ್ಕೆ 9 ನುಗ್ಗೆಕಾಯಿ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
