ಸೋಮವಾರ, ಸೆಪ್ಟೆಂಬರ್ 27, 2021
22 °C

ಕನಕಪುರ: ಹಾವು ಕಡಿತಕ್ಕೆ ಔಷಧಿ ನೀಡುವ ಕುಟುಂಬ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಕನಕಪುರ: ಹಾವು ಕಡಿತಕ್ಕೆ ಗಿಡಮೂಲಿಕೆ ಔಷಧಿ ನೀಡುವ ಕುಟುಂಬವೊಂದು ಹಲವು ಜನರ ಜೀವಕ್ಕೆ ವರದಾನ ನೀಡಿದೆ.  ತಾಲ್ಲೂಕಿನ ಸಾತನೂರು ಹೋಬಳಿ ಬೊಮ್ಮನಹಳ್ಳಿ ಗ್ರಾಮದ ದೊಡ್ಡಣ್ಣ ಹಾವು ಕಡಿತಕ್ಕೆ ಔಷಧಿ ನೀಡಿ ಗುಣಪಡಿಸುವ ಕೆಲಸಕ್ಕೆ ಹೆಸರಾಗಿದ್ದರು.  ಅವರು ಕಾಲವಾದ ನಂತರ ಅವರ ಮಕ್ಕಳಾದ ರಮೇಶ್‌, ನಾರಾಯಣ, ವೈರಮುಡಿ ಈ ಕಾಯಕ  ಮುಂದುವರಿಸಿಕೊಂಡು ಬಂದಿದ್ದಾರೆ.

ಕಳೆದ 40 ವರ್ಷದಿಂದ ಈ ಕೆಲಸ ಮಾಡುತ್ತಿದ್ದು ಸಾವಿರಾರು ಮಂದಿ ಹಾವು ಕಡಿತದಿಂದ ಗುಣಮುಖರಾಗಿದ್ದಾರೆ ಎಂದು ರಮೇಶ್‌ ವಿವರಿಸಿದರು.  

ರಾತ್ರಿ ಹಗಲೆನ್ನದೆ ಔಷಧಿ ನೀಡುವ ಮೂಲಕ  ಈ ಭಾಗದಲ್ಲಿ ಇವರು ಹೆಸರಾಗಿದ್ದಾರೆ.  ಅದಲ್ಲದೆ ಜಾನುವಾರುಗಳಿಗೆ ಹಲವು ಆರೋಗ್ಯ ಸಮಸ್ಯೆಗಳಿಗೆ ಗಿಡಮೂಲಿಕೆಗಳ ಔಷಧಿ ನೀಡುತ್ತಾರೆ. ಅದೇ ರೀತಿ ಮನುಷ್ಯರಲ್ಲಿ ಕಾಣಿಸಿಕೊಳ್ಳುವ ಚರ್ಮ ಕಾಯಿಲೆಗೂ ಗಿಡಮೂಲಿಕೆಗಳ ಔಷಧಿ ಕೊಡುತ್ತಾರೆ. ಇವರು ಮಾಡುವ ಈ ಸೇವಾ ಕಾರ್ಯಕ್ಕೆ ಯಾವುದೇ ನಿಗದಿತ ಹಣ ಪಡೆಯುವುದಿಲ್ಲ. ಸಮಸ್ಯೆ ಪರಿಹಾರ ನಂತರ ಸ್ವೀಕರಿಸುತ್ತಾರೆ.

’ತಂದೆ ಮೊದಲಿನಿಂದಲೂ ಹಾವು ಕಡಿತಕ್ಕೆ ಔಷಧಿ ಕೊಡುತ್ತಿದ್ದರು. ಅವರ ಜತೆ ಜತೆಯಲ್ಲೇ ಔಷಧಿ ಕೊಡುವುದು ಕಲಿತೆ. ಧರ್ಮಕ್ಕಾಗಿ ಈ ಒಂದು ಸೇವೆ ಮಾಡುವಂತೆ ತಂದೆ ತಿಳಿಸಿದ್ದರು. ಅವರ ಆಸೆಯಂತೆ ಮುಂದುವರಿದಿದ್ದೇನೆ’ ಎನ್ನುತ್ತಾರೆ ರಮೇಶ್‌.

 

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು