ಲಾಕ್‌ಡೌನ್‌ ಆದೇಶದಿಂದಾಗಿ ಒಂದು ವಾರ ಕಾಲ ಬಂದ್ ಆಗಿದ್ದ ಗೂಡು ಮಾರುಕಟ್ಟೆಯು ಗುರುವಾರ ಬಾಗಿಲು ತೆರೆದಿತ್ತು. ಮೊದಲ ದಿನ 150 ಲಾಟ್‌ನಷ್ಟು ಗೂಡು ಬಂದಿತ್ತು. ಶುಕ್ರವಾರ ಈ ಪ್ರಮಾಣವು 370 ಲಾಟ್‌ಗಳಿಗೆ ಏರಿಕೆಯಾಯಿತು. 145 ಲಾಟ್‌ನಷ್ಟು ಮಿಶ್ರ ತಳಿಯ ಗೂಡು ಬಂದಿದ್ದು, 7652 ಕೆ.ಜಿ.ಯಷ್ಟು ಉತ್ಪನ್ನ ತೂಗಲಾಯಿತು. ಪ್ರತಿ ಕೆ.ಜಿ.ಗೆ ₹303ರ ಸರಾಸರಿಯಲ್ಲಿ ಮಾರಾಟ ನಡೆಯಿತು. ದ್ವಿತಳಿಯ (ಬೈವೋಲ್ಟನ್‌) ಗೂಡು 225 ಲಾಟ್‌ನಿಂದ 18,701 ಕೆ.ಜಿ.ಯಷ್ಟು ಆವಕ ಆಯಿತು. ಪ್ರತಿ ಕೆ.ಜಿ.ಗೆ ಸರಾಸರಿ ₹332ರ ದರದಲ್ಲಿ ಮಾರಾಟ ನಡೆಯಿತು. ಎರಡನೇ ದಿನವೂ ಗೂಡು ಮಾರುಕಟ್ಟೆಯಲ್ಲಿ ಸಾಮಾಜಿಕ ಅಂತರ ನಿಯಮವೂ ಪಾಲನೆ ಆಗಲಿಲ್ಲ.ರೀಲರ್‍ ಹಾಗೂ ರೈತರು ಹೆಚ್ಚಿನ ಸಂ‌ಖ್ಯೆಯಲ್ಲೇ ಇದ್ದರು.
