ರಿಪ್ಪನ್‌ಪೇಟೆ: ಪಟ್ಟಣ ಸೇರಿದ ಸುತ್ತಮುತ್ತಲ ಗ್ರಾಮಗಳ ಸರ್ಕಾರಿ ಶಾಲೆಗಳ ಮಕ್ಕಳು ಗುರುವಾರ ಮಧ್ಯಾಹ್ನ ಬಿಸಿಯೂಟದ ಬದಲು ಮನೆಯಿಂದ ತಂದಿದ್ದ ಊಟವನ್ನು ಸವಿದರು.
ವೇತನ ಹೆಚ್ಚಳ ಸೇರಿ ವಿವಿಧ ಬೇಡಿಕೆಗಳ ಈಡೇರಿಕೆಗೆ ಆಗ್ರಹಿಸಿ ಸರ್ಕಾರಿ ಶಾಲೆಗಳ ಬಿಸಿಯೂಟ ತಯಾರಕ ಸಿಬ್ಬಂದಿ ಗುರುವಾರ ಒಂದು ದಿನದ ಸಾಂಕೇತಿಕ ಮುಷ್ಕರ ಹಮ್ಮಿಕೊಂಡಿದ್ದರು. ಆದ್ದರಿಂದ ಸರ್ಕಾರಿ ಶಾಲೆಯ ವಿದ್ಯಾರ್ಥಿಗಳು ಮನೆಯಿಂದಲೇ ಡಬ್ಬಿ ತಂದು ಮನೆಯೂಟ ಸವಿದರು.
ಪ್ರತಿದಿನ ಸರತಿ ಸಾಲಿನಲ್ಲಿ ಬಿಸಿಯೂಟ ಪಡೆಯುತ್ತಿದ್ದ ಮಕ್ಕಳು ಗುರುವಾರ ಮನೆಯಲ್ಲಿ ಮಾಡಿದ್ದ ತರಹೇವಾರಿ ತಿಂಡಿಗಳನ್ನು ತಂಡು ಸ್ನೇಹಿತರೊಂದಿಗೆ ಹಂಚಿಕೊಂಡು ತಿಂದರು.
