ಶುಕ್ರವಾರ, ಸೆಪ್ಟೆಂಬರ್ 25, 2020
21 °C

ಉಬ್ಬೆ ಮಳೆಗೆ ತಬ್ಬಿಬ್ಬಾದ ಬಯಲುಸೀಮೆ ರೈತ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ವೈ.ಎನ್.ಹೊಸಕೋಟೆ: ಸತತವಾಗಿ ಸುರಿಯುತ್ತಿರುವ ಉಬ್ಬೆ ಮಳೆಯಿಂದ ಬೆಳೆನಷ್ಟ ಅನುಭವಿಸುತ್ತಿರುವ ಬಯಲುಸೀಮೆಯ ರೈತರು ತಬ್ಬಿಬ್ಬಾಗಿದ್ದಾರೆ.

ಶೇಂಗಾಬಳ್ಳಿ ನೆಲದಲ್ಲೇ ಕೊಳೆಯುತ್ತಿದ್ದು, ದನಕರುಗಳಿಗೆ ಮೇಯಲು ಸಾಧ್ಯವಾಗದೆ ತಿಪ್ಪೆಗೆ ಹಾಕುವುದು ಅನಿವಾರ್ಯವಾಗಿದೆ.

‘ತಡವಾಗಿ ಬಿತ್ತನೆ ಮಾಡಿರುವ ಹೊಲಗಳಲ್ಲಿ ಶೇಂಗಾ ಗಿಡ ಹುಲುಸಾಗಿ ಬೆಳೆದಿದ್ದು, ಇಳುವರಿ ಮಾತ್ರ ಕಡಿಮೆ ಇದೆ. ಗಿಡಗಳಲ್ಲಿ ಅಲ್ಪಸ್ವಲ್ಪ ಇರುವ ಶೇಂಗಾ ಈಗಿನ ಮಳೆಯಿಂದಾಗಿ ಕೈಗೆ ಸಿಗುವ ಖಾತರಿ ಇಲ್ಲ’ ಎಂದು ರೈತ ಓಬಳೇಶ ಮತ್ತು ತಿಪ್ಪೇಸ್ವಾಮಿ ಆತಂಕ ವ್ಯಕ್ತಪಡಿಸುತ್ತಾರೆ.

ಇದಲ್ಲದೆ ಕೊಳವೆಬಾವಿಗಳ ನೀರಿನ ಸಹಾಯದಿಂದ ಬೆಳೆದಿರುವ ಟೊಮೆಟೊ, ಹತ್ತಿ, ಮೆಣಸಿನಕಾಯಿ ಇತ್ಯಾದಿ ಬೆಳೆಗಳನ್ನು ಮಳೆ ಕಾರಣದಿಂದ ಬಿಡಿಸಲಾಗುತ್ತಿಲ್ಲ.

‘ಟೊಮೆಟೊ ಗಿಡಗಳಲ್ಲಿ ಹಣ್ಣಾಗಿ ಕೊಳೆಯುತ್ತಿದೆ. ಹತ್ತಿ ಮೊಳಕೆಯೊಡೆದು ನಾರು ಕೊಳೆಯುತ್ತಿದೆ. ಫಸಲು ಕೈಗೆ ಸಿಗುತ್ತದೆ ಎಂಬ ಖುಷಿಯಲ್ಲಿದ್ದ ನಮಗೆ ಉಬ್ಬೆಮಳೆ ನಿರಾಸೆ ಮೂಡಿಸಿ ಸಂಕಷ್ಟ ತಂದೊಡ್ಡಿದೆ’ ಎನ್ನುತ್ತಾರೆ ಗ್ರಾಮದ ರೈತರಾದ ಎಚ್.ಕೆ.ಶ್ರೀನಿವಾಸ, ಹನುಮಂತರಾಯ ಮತ್ತು ಜಗನ್ನಾಥ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.