ತಂತಿ ಮೇಲೆ ಉರುಳಿದ ಮರ: ವಿದ್ಯುತ್ ಸರಬರಾಜು ವ್ಯತ್ಯಯ

ಗ್ರಾಮೀಣ ಭಾಗದಲ್ಲಿ ವಿದ್ಯುತ್ ಇಲ್ಲದೆ, ಪಂಪ್‌ಸೆಟ್‌ಗಳಿಗೆ ವಿದ್ಯುತ್ ಇಲ್ಲದೆ ನೀರಿಗಾಗಿ ಪರದಾಡುವಂತಾಗಿದೆ.

ತಾಲ್ಲೂಕಿನ ಬೆಸ್ಕಾಂ ಎಇಇ ನಿವೃತ್ತರಾಗಿ ಹಲವು ತಿಂಗಳು ಕಳೆದಿವೆ. ಆದರೆ ಕಾಯಂ ಎಂಜಿನಿಯರ್‌ಗಳ ನೇಮಕ ಮಾಡಿಲ್ಲ. ಸದ್ಯ ಪ್ರಭಾರವಾಗಿ ತುಮಕೂರಿನಿಂದಲೇ ಎಂಜಿನಿಯರ್ ಅನ್ನು ಕಳುಹಿಸಿದ್ದರೂ, ಸ್ಥಳೀಯವಾಗಿ ಪರಿಚಯ ಇಲ್ಲದೆ ಇರುವುದರಿಂದ ಯಾವುದಕ್ಕೆ ಆದ್ಯತೆ ನೀಡಬೇಕು ಎನ್ನುವುದು ಗೊತ್ತಾಗದೆ ಪರಿತಪಿಸುವಂತೆ ಆಗುತ್ತಿದೆ. ತಾತ್ಕಾಲಿಕವಾಗಿ ಗುಬ್ಬಿಯಿಂದ ವರ್ಗಾವಣೆಗೊಂಡಿದ್ದ ಹಾಗೂ ಬೇರೆಡೆ ಹೋಗಿದ್ದ ಸಿಬ್ಬಂದಿಯನ್ನು ಕರೆಸಿಕೊಂಡು ತುರ್ತು ಕ್ರಮಕ್ಕೆ ಇಲಾಖೆ ಮುಂದಾಗಿದ್ದರೂ, ಸಾರ್ವಜನಿಕರ ಪರದಾಟ ತಪ್ಪಿಲ್ಲ.

ಗ್ರಾಮೀಣ ಭಾಗದ ಹಲವೆಡೆ ಎರಡು, ಮೂರು ದಿನಗಳಾದರೂ ವಿದ್ಯುತ್  ಇಲ್ಲದೆ ತೀವ್ರ ಸಂಕಷ್ಟ ಎದುರಿಸುವಂತೆ ಆಗುತ್ತಿದೆ ಎಂದು ಬಸವರಾಜು ಬೇಸರ ವ್ಯಕ್ತಪಡಿಸಿದರು.

ರಸ್ತೆ ಬದಿ ಹಾಗೂ ತೋಟದ ಸಾಲುಗಳಲ್ಲಿ ಇರುವ ಮರ, ಗಿಡ ತೆರವುಗೊಳಿಸುವಂತೆ ಅನೇಕ ಬಾರಿ ಇಲಾಖೆ ಅಧಿಕಾರಿಗಳ ಗಮನಕ್ಕೆ ತಂದಿದ್ದರೂ ಪ್ರಯೋಜನವಾಗಿಲ್ಲ. ತಕ್ಷಣ ಕ್ರಮ ಕೈಗೊಳ್ಳದಿದ್ದರೆ ರೈತ ಸಂಘದಿಂದ ಪ್ರತಿಭಟನೆ ನಡೆಸಲಾಗುವುದು ಎಂದು ರೈತ ಸಂಘದ ತಾಲ್ಲೂಕು ಘಟಕದ ಕಾರ್ಯದರ್ಶಿ ಲೋಕೇಶ್ ಹೇಳಿದರು.