‘ಸಪ್ಲಿಮೆಂಟರಿ‘ ಚಿತ್ರದ ಹಾಡುಗಳ ಬಿಡುಗಡೆ

ವಿವಿಯ ಸಹಾಯಕ ಪ್ರಾಧ್ಯಾಪಕ ಡಾ.ಎಸ್.ದೇವರಾಜು ಅವರ ನಿರ್ದೇಶನದ ‘ಸಂಪ್ಲಿಮೆಂಟರಿ’ ಚಿತ್ರದ ಹಾಡುಗಳನ್ನು ಬಿಡುಗಡೆಗೊಳಿಸಿ ಮಾತನಾಡಿದರು.

ಸೋತ ವಿದ್ಯಾರ್ಥಿಗಳಿಗೆ ಆದರ್ಶ ಶಿಕ್ಷಕನಾಗಿ ಹೇಗೆ ಸಾಂತ್ವನ ಹೇಳಬಹುದು ಎಂಬುದನ್ನು ಈ ಚಿತ್ರದ ಹಾಡುಗಳ ಮೂಲಕ ಕಟ್ಟಿಕೊಟ್ಟಿದ್ದಾರೆ. ಅವರ ಮೊದಲ ಚಿತ್ರವೇ ಉತ್ತಮವಾಗಿ ಮೂಡಿಬಂದಿದ್ದು ಪ್ರದರ್ಶನಗೊಂಡ ನಂತರ ಪ್ರಶಸ್ತಿ ಗಳಿಸುವುದು ಖಚಿತ ಎಂದು ಹೇಳಿದರು.

ವಿವಿಯಲ್ಲಿ ವಿಶಿಷ್ಟ ಸಿಬ್ಬಂದಿ ಇರುವುದು ಶ್ಲಾಘನೀಯ. ಈ ಚಿತ್ರವು ಜ.25 ರಂದು ಬೆಳ್ಳಿತೆರೆಗೆ ಬರಲಿದ್ದು ಶತದಿನಗಳ ಕಾಲ ಪ್ರದರ್ಶನ ಕಾಣಲಿ ಎಂದು ಹಾರೈಸಿದರು.

ದೇವರಾಜು ಮಾತನಾಡಿ, ‘ಸಿನಿಮಾ ಮತ್ತು ಜೀವನಕ್ಕೆ ಸಾಮ್ಯತೆ ಇದೆ. ನನ್ನ ಜೀವನದಲ್ಲಿ ಮೊದಲನೇ ಪ್ರಯತ್ನದಲ್ಲಿ ಯಶಸ್ಸು ಪಡೆಯುವಲ್ಲಿ ವಿಫಲನಾಗಿದ್ದು, ನಂತರ ಯಶಸ್ಸು ಕಂಡಿದ್ದೇನೆ. ಈ ನಿಟ್ಟಿನಲ್ಲಿ ನಿರ್ಮಿಸಿದ ಚಿತ್ರ ಎಲ್ಲಾ ವಿದ್ಯಾರ್ಥಿಗಳಿಗೆ ಸ್ಫೂರ್ತಿಯಾಗಲಿದೆ’ ಎಂದು ಹೇಳಿದರು.