ಲಖನೌ ಮಹಿಳೆ ತುಮಕೂರಿನಲ್ಲಿ ರಕ್ಷಣೆ

4

ಲಖನೌ ಮಹಿಳೆ ತುಮಕೂರಿನಲ್ಲಿ ರಕ್ಷಣೆ

Published:
Updated:
Deccan Herald

ತುಮಕೂರು: ನವದೆಹಲಿಯ ರೈಲ್ವೆ ನಿಲ್ದಾಣದಲ್ಲಿ ಪತಿಯಿಂದ ಆಕಸ್ಮಿಕವಾಗಿ ಬೇರ್ಪಟ್ಟ ಉತ್ತರ ಪ್ರದೇಶದ ಲಖನೌ ಸಮೀಪದ ಇಮ್ಲಿಯಾ ಮಿಶ್ರ ಸುನಾಯಿಲ್ ಗ್ರಾಮದ ಸುಶೀಲಾದೇವಿ, ಅವರ ಮಕ್ಕಳಾದ ಶಿವಂ ಮತ್ತು ವೈಷ್ಣವಿಯನ್ನು ಇಲ್ಲಿನ ರೈಲ್ವೆ ರಕ್ಷಣಾದಳದ ಪೊಲೀಸರು ರಕ್ಷಿಸಿದ್ದಾರೆ.

‘ಸುಶೀಲಾದೇವಿ, ಪ್ರಭಾಕರ ಮಿಶ್ರಾ ದಂಪತಿ ಹಾಗೂ ಮಕ್ಕಳು, ಕಾರ್ಯ ನಿಮಿತ್ತ ಜುಲೈ 30ರಂದು ದೆಹಲಿಗೆ ಹೋಗಿದ್ದರು. ಲಖನೌಗೆ ವಾಪಸ್ ಬರುವಾಗ ದಂಪತಿ ಬೇರೆಯಾಗಿದ್ದಾರೆ. ಸುಶೀಲಾದೇವಿ ಮತ್ತು ಮಕ್ಕಳು ದಾರಿತಪ್ಪಿ ರೈಲಿನಲ್ಲಿ ದಕ್ಷಿಣ ಭಾರತದತ್ತ ಬಂದಿದ್ದಾರೆ. ಜುಲೈ 3ರಂದು ರಾತ್ರಿ ನಿಲ್ದಾಣದಲ್ಲಿ ದಿಕ್ಕು ತೋಚದಂತೆ ಓಡಾಡುತ್ತಿದ್ದರು. ವಿಚಾರಣೆ ನಡೆಸಿದಾಗ ಈ ಬಗ್ಗೆ ಮಾಹಿತಿ ನೀಡಿದರು’ ಎಂದು ರೈಲ್ವೆ ರಕ್ಷಣಾದಳ ಅಧಿಕಾರಿ ಕುಬೇರಪ್ಪ ‘ಪ್ರಜಾವಾಣಿ’ಗೆ ತಿಳಿಸಿದರು.

‘ಸುಶೀಲಾದೇವಿ ಅವರಿಂದ ಪ್ರಭಾಕರ ಮಿಶ್ರಾ ಅವರ ಮೊಬೈಲ್ ಸಂಖ್ಯೆ ಪಡೆದು ಸಂಪರ್ಕಿಸಿದೆವು. ಪತ್ನಿ ಹಾಗೂ ಮಕ್ಕಳ ನಾಪತ್ತೆ ಬಗ್ಗೆ  ಅವರು ಸ್ಥಳೀಯ ಪೊಲೀಸರಿಗೆ ದೂರು ನೀಡಿದ್ದಾರೆ. ಇವರಿಗೆ ಮರಳೂರು ದಿಣ್ಣೆಯ ಸ್ವಾಧಾರ ಕೇಂದ್ರದಲ್ಲಿ ತಾತ್ಕಾಲಿಕ ಆಶ್ರಯ ನೀಡಿದ್ದೇವೆ. ಸೋಮವಾರ ಸಂಜೆ ಅಲ್ಲಿನ ಸ್ಥಳೀಯ ಪೊಲೀಸರ ಜತೆ ಮಿಶ್ರಾ ಅವರು ಇಲ್ಲಿಗೆ ಬರಲಿದ್ದಾರೆ’ ಎಂದು ಹೇಳಿದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !