ಇಂತಹ ಇತಿಹಾಸ ಸಾರುವ ಕಟ್ಟಡ ಇತ್ತೀಚಿನ ವರ್ಷಗಳಲ್ಲಿ ಸರ್ಕಾರಿ ಶಾಲೆಯಾಗಿ ಮಾರ್ಪಟ್ಟಿತ್ತು. ಕಟ್ಟಡದೊಳಗೆ ಸಾಕಷ್ಟು ಕೊಠಡಿಗಳಿದ್ದು ತರಗತಿಗಳಾಗಿ ವಿಂಗಡಿಸಿ ಶಾಲೆ ನಡೆಸಲಾಗುತ್ತಿದೆ. ಬಹಳಷ್ಟು ವರ್ಷಗಳ ಕಟ್ಟಡವಾಗಿರುವುದರಿಂದ ಕಟ್ಟಡದ ಗೋಡೆ ಸೇರಿದಂತೆ ವಿವಿಧ ಕಡೆ ಸಸಿಗಳು ಬೆಳೆದು ಮರಗಳಾಗಿವೆ. ಅರಳಿ ಸೇರಿದಂತೆ ಬೇರೆ ಗಿಡಗಳ ಬೇರು ಕಟ್ಟಡ ಹೊಕ್ಕು ಶಿಥಿಲವಾಗುತ್ತಿದೆ. ಆಗಾಗ ಸುಣ್ಣ ಬಣ್ಣ ಕಾಣದೆ ಅವಸಾನವಾಗುತ್ತಿದೆ. ಕಟ್ಟಡದ ಬಗ್ಗೆ ಇಲ್ಲಿನ ಪಟ್ಟಣ ಪಂಚಾಯಿತಿಯಾಗಲಿ, ಕಾರ್ಯಕ್ಷೇತ್ರ ವಿಸ್ತರಿಸಿಕೊಂಡಿರುವ ಶಿಕ್ಷಣ ಇಲಾಖೆಯಾಗಲಿ ಗಮನ ಹರಿಸುತ್ತಿಲ್ಲ ಎಂದು ಸಾರ್ವಜನಿಕರು ದೂರಿದ್ದಾರೆ.