ಕೈಗಾ ಬರ್ಡ್ಸ್ ಹಾಗೂ ವಿದ್ಯಾಲಯದ ಇಕೋ ಕ್ಲಬ್ ಜಂಟಿಯಾಗಿ ಆಯೋಜಿಸಿದ್ದ ಈ ಕಾರ್ಯಾಗಾರದಲ್ಲಿ ಮಲ್ಲಾಪುರದ ಸುತ್ತಮುತ್ತಲಿನ ಕಾಳಿನದಿ ತೀರದಲ್ಲಿ ಪಕ್ಷಿ ವೀಕ್ಷಣೆ ನಡೆಸಲಾಯಿತು. ಕಂದು ಬೆನ್ನಿನ ಕಳಿಂಗ, ನೇರಳೆ ಸೂರಕ್ಕಿ, ಚೋರೆ ಹಕ್ಕಿ, ಮಧುರ ಕಂಠ ಹಾಗೂ ಬೂದು ಕಾಜಾಣ ಪಕ್ಷಿಗಳು ವಿದ್ಯಾರ್ಥಿಗಳ ಗಮನ ಸೆಳೆದವು. ಕೈಗಾ ಬರ್ಡ್ಸ್ ಪರಿಣಿತರು ಹಕ್ಕಿಗಳ ಪ್ರಬೇಧಗಳನ್ನು ಗುರುತಿಸುವುದು, ಅವುಗಳ ಗುಣಲಕ್ಷಣಗಳು, ಆಹಾರ ಪದ್ಧತಿ, ಹಾರಾಟ, ಕುಟುಂಬ ವ್ಯವಸ್ಥೆ ಹಾಗೂ ಇನ್ನಿತರ ಮಾಹಿತಿಯನ್ನು ಶಿಬಿರಾರ್ಥಿಗಳಿಗೆ ಒದಗಿಸಿದರು. ಕಾರ್ಯಾಗಾರದಲ್ಲಿ ಒಟ್ಟು 30 ವಿದ್ಯಾರ್ಥಿಗಳು ಭಾಗವಹಿಸಿದ್ದರು.