ಕಾರವಾರ | ಆರೋಪಿಗಳ ರಕ್ಷಣೆಗೆ ಪೊಲೀಸರ ಪ್ರಯತ್ನ: ಆರೋಪ

ಇಲ್ಲಿ ಶನಿವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ‘ಆತ್ಮಹತ್ಯೆಗೆ ಪ್ರಚೋದನೆ ನೀಡಿದ ಆರೋಪ ಎದುರಿಸುತ್ತಿರುವ ರವೀಶ ಹೆಗಡೆ, ಗಣೇಶ ಆಚಾರಿ, ಓಂ ಹೆಗಡೆ ಅವರನ್ನು ಪೊಲೀಸರು ಈವರೆಗೆ ವಶಕ್ಕೆ ಪಡೆದಿಲ್ಲ. ಆರೋಪಿಗಳನ್ನು ಬಂಧಿಸುವ ಬದಲು ಹೊಸ ಮಾರುಕಟ್ಟೆ ಠಾಣೆಯ ಎಸ್ಐ ರತ್ನಾ ಕುರಿ ಮೃತನ ಪತ್ನಿ ಮತ್ತು ಅತ್ತೆಯಿಂದ ಪ್ರಕರಣದ ದಿಕ್ಕು ತಪ್ಪಿಸುವ ರೀತಿಯಲ್ಲಿ ಹೇಳಿಕೆ ಪಡೆದುಕೊಂಡಿದ್ದಾರೆ. ಈ ಮೂಲಕ ಆರೋಪಿಗಳಿಗೆ ಜಾಮೀನು ಸಿಗಲು ಅವಕಾಶ ಮಾಡಿಕೊಡಲು ಯತ್ನಿಸಿರುವ ಶಂಕೆ ಮೂಡಿದೆ’ ಎಂದರು.

‘ಶಿರಸಿಯಲ್ಲಿ ಪೊಲೀಸ್ ವ್ಯವಸ್ಥೆ ಹದಗೆಟ್ಟಿದೆ. ಸಚಿವರು, ಶಾಸಕರ ಹೆಸರಿಗೆ ಮಸಿ ಬಳಿಯುವ ಪ್ರಯತ್ನ ಕೆಲ ಪೊಲೀಸ್ ಅಧಿಕಾರಿಗಳಿಂದಲೇ ನಡೆದಿದೆ. ಸರ್ಕಾರದ ಗಮನಕ್ಕೂ ಈ ವಿಷಯ ತರಲಾಗಿದೆ’ ಎಂದರು.

‘2022ರಲ್ಲಿ ಉದ್ಯಮ ವಿಚಾರದಲ್ಲಿ ರವೀಶ ಹೆಗಡೆ ಎಂಬಾತ ಬ್ಲ್ಯಾಕ್ ಮೇಲ್ ಮಾಡಿದ್ದಾಗಿ ಪಾಲನಕರ ಕುಟುಂದವರು ದೂರು ನೀಡಿದ್ದರು. ಆದರೂ ಈವರೆಗೆ ಪೊಲೀಸರು ಕ್ರಮ ಕೈಗೊಂಡಿರಲಿಲ್ಲ. ಈಗಲೂ ಆರೋಪಿಗಳನ್ನು ರಕ್ಷಿಸಲು ಪೊಲೀಸರು ಪ್ರಯತ್ನಿಸುತ್ತಿರುವ ಶಂಕೆ ಮೂಡಿದೆ. ಸಾರ್ವಜನಿಕ ವಲಯದಲ್ಲಿಯೂ ಇದು ಚರ್ಚೆಗೆ ಒಳಗಾಗಿದೆ’ ಎಂದರು.

ಪವನ ಪಾಲನಕರ ಇದ್ದರು.