‘ನಗರದಲ್ಲಿ ದಲಿತರಿಗೆ ನಿವೇಶನ ನೀಡಿ’

ಸಮಿತಿಯ ರಾಜ್ಯ ಉಪಾಧ್ಯಕ್ಷ ಮರಡಿ ಜಂಬಯ್ಯ ನಾಯಕ, ಜಿಲ್ಲಾ ಉಪಾಧ್ಯಕ್ಷ ಬಿ.ತಾಯಪ್ಪ ನಾಯಕ, ತಾಲ್ಲೂಕು ಅಧ್ಯಕ್ಷ ಎಂ.ಧನರಾಜ್‌, ಕಾರ್ಯದರ್ಶಿ ಬಿ.ರಮೇಶ್ ಕುಮಾರ್ ಅವರು ಗುರುವಾರ ನಗರಸಭೆ ಅಧ್ಯಕ್ಷೆ ಎ.ಲತಾ ಅವರನ್ನು ಭೇಟಿ ಮಾಡಿ ಮನವಿ ಸಲ್ಲಿಸಿದರು.

‘ನಿವೇಶನ ಮಂಜೂರಿಗಾಗಿ ಕಳೆದ ಒಂಭತ್ತು ವರ್ಷಗಳಿಂದಲೂ ಒತ್ತಾಯಿಸುತ್ತಲೇ ಬರಲಾಗಿದೆ. ಜಂಬುನಾಥಹಳ್ಳಿಯಲ್ಲಿ 84 ಎಕರೆ, ಸಂಕ್ಲಾಪುರ ಗ್ರಾಮದಲ್ಲಿ 281 ಎಕರೆ ಸಹಿತ ಒಟ್ಟು 365 ಎಕರೆ ನಿವೇಶನ ಲಭ್ಯ ಇದ್ದು, ಇದನ್ನು ವಸತಿ ಮತ್ತು ಸರ್ಕಾರಿ ಇಲಾಖೆಗಳಿಗಾಗಿ ಮೀಸಲಿಡಬೇಕು ಎಂದು ಒತ್ತಾಯಿಸಿದ್ದಾರೆ.

2015ರ ಆಗಸ್ಟ್ 3ರಂದು ಸಲ್ಲಿಸಲಾದ 8,315 ನಿವೇಶನ ಅರ್ಜಿಗಳನ್ನು ಮೊದಲ ಆದ್ಯತೆಯಾಗಿ ಪರಿಗಣಿಸಬೇಕು, ವಾಲ್ಮೀಕಿ ಸಮಾಜದ ಸ್ಮಶಾನಕ್ಕಾಗಿ 10  ಎಕರೆ ಜಮೀನು ನೀಡಬೇಕು, ವಿಧಾನಸಭಾ ಚುನಾವಣೆಗೆ ಮೊದಲು ಹಂಚಿದ ಹಕ್ಕುಪತ್ರಗಳನ್ನು ಉಪನೋಂದಣಿ ಕಚೇರಿಯಲ್ಲಿ ನೋಂದಣಿ ಮಾಡಿಸದೆ ವಂಚಿಸಿದ್ದರ ಬಗ್ಗೆ ತನಿಖೆ ನಡೆಸಬೇಕು, ಕುಡಿಯುವ ನೀರಿನ ಅಭಾವವನ್ನು ಸಮರೋಪಾದಿಯಲ್ಲಿ ನಿವಾರಿಸಬೇಕು ಎಂಬ ಬೇಡಿಕೆ ಸಹಿತ ಹಲವು ಬೇಡಿಕೆಗಳನ್ನು ಮುಂದಿಡಲಾಗಿದೆ.