ಕಕ್ಕೇರಾ: ಪಟ್ಟಣದ ನಡೆಯುತ್ತಿರುವ ಸೋಮನಾಥ ಜಾತ್ರೆಯಲ್ಲಿ ಕುದುರೆಗಳ ಕುಣಿತ ಭಕ್ತರ ಗಮನಸೆಳೆಯಿತು. ನಂದಣ್ಣಪ್ಪ ಪೂಜಾರಿ, ಕರಿಮಡ್ಡೆಪ್ಪ ತಾತಾ, ಬಬಲುಗೌಡ ಕೊಡೇಕಲ್, ಪರಮಣ್ಣ ಪೂಜಾರಿ ಹಿರೇಮನಿ, ಹುಣಸಗಿ ನಾಗಣ್ಣ ದಂಡಿನ್, ಯಲಗಟ್ಟಿ ಮಾಂತಯ್ಯಸ್ವಾಮಿ, ಹಾಗೂ ಕಾಮನಟಗಿ ಅಮರೇಶ ಸಾಹುಕಾರ ಅವರ ಏಳು ಕುದುರೆಗಳನ್ನು ಕುಣಿಸಲಾಯಿತು. ಚೌಕಾಕಾರದ ಒಂದು ಚಿಕ್ಕಕಲ್ಲಿನ ಮೇಲೆ ನಾಲ್ಕು ಕಾಲುಗಳಿಂದ ನಿಲ್ಲುವುದು, ಮುಂಗಾಲುಗಳಿಂದ ಕುಣಿತ, ಚಿಕ್ಕ ಟೇಬಲ್ ಮೇಲೆ ನಾಲ್ಕೂ ಕಾಲುಗಳಿಂದ ನಿಲ್ಲುವುದು, ಹೀಗೆ ನಾನಾ ಮಾದರಿಯಲ್ಲಿ ಕುಣಿದವು.