ರೋಹನ್ ರಾವ್ ಅವರಿಗೆ 590 ಅಂಕಗಳು ಲಭಿಸಿದ್ದು, ವಿಜ್ಞಾನಿ ಆಗುವ ಆಸೆಯಿದೆ. ಉಡುಪಿಯ ಉಪ್ಪುಂದ ನಿವಾಸಿ ಆಗಿರುವ ಶಾರದಾ ಕಾಲೇಜಿನ ಎಸ್ಕೆಡಿಬಿ ವಿದ್ಯಾರ್ಥಿ ವಸತಿ ನಿಲಯದಲ್ಲಿ ಓದಿದ ವಿದ್ಯಾರ್ಥಿ. ‘ಬೆಳಿಗ್ಗೆ 5 ಗಂಟೆ ಅಧ್ಯಯನ ಆರಂಭಿಸುವುದು ಕಡ್ಡಾಯವಾಗಿತ್ತು. ಒಟ್ಟು 5 ತಾಸು ಅಧ್ಯಯನ ಮಾಡುವಂತಹ ವಾತಾವರಣವನ್ನು ಹಾಸ್ಟೆಲ್ನಲ್ಲಿ ನಿರ್ಮಿಸಿದ್ದರು. ಉತ್ತಮ ಆಹಾರ, ಪೂರಕ ವಾತಾವರಣದಿಂದಾಗಿ ನನಗೆ ಓದು ಕಷ್ಟವಾಗಲಿಲ್ಲ. ಏನಾದರೂ ಸಂಶಯವಿದ್ದರೆ ಪರಿಹಾರ ಮಾಡಲು ಹಾಸ್ಟೆಲ್ನಲ್ಲಿಯೂ ಶಿಕ್ಷಕರು ಸದಾ ಸಿದ್ಧರಿರುತ್ತಿದ್ದರು. ಆದ್ದರಿಂದ ಈ ಸಾಧನೆ ಸಾಧ್ಯವಾಯಿತು’ ಎಂದು ’ಪ್ರಜಾವಾಣಿ’ ಜೊತೆ ಮಾತನಾಡುತ್ತ ತಿಳಿಸಿದರು. ಹಿಂದುಸ್ಥಾನೀ ಸಂಗೀತ ಕಲಿತಿರುವ ಪ್ರಥಮ್ ತಬಲಾ ವಾದಕ.