ಲಾಸ್ ಏಂಜಲೀಸ್: ಹಾಲಿವುಡ್ನ ಪ್ಯಾಂಟಸಿ ಡ್ರಾಮಾ ಸಿರೀಸ್ ‘ಗೇಮ್ ಆಫ್ ಥ್ರೋನ್ಸ್’ ಖ್ಯಾತಿಯ ನಟ ಡ್ಯಾರೆನ್ ಕೆಂಟ್ ಅವರು ನಿಧನರಾಗಿದ್ದಾರೆ.
ವಿಚಿತ್ರ ಕಾಯಿಲೆಯಿಂದ ಹಲವು ವರ್ಷಗಳಿಂದ ಬಳಲುತ್ತಿದ್ದ ಅವರು ತಮ್ಮ 39ನೇ ವಯಸ್ಸಿನಲ್ಲಿ ಆಗಸ್ಟ್ 11 ರಂದು ನಿಧನರಾದರು ಎಂದು ಟ್ಯಾಲೆಂಟ್ ಏಜೆನ್ಸಿ Carey Dodd Associates ‘ಎಕ್ಸ್’ ತಾಣದಲ್ಲಿ ತಿಳಿಸಿದೆ.
‘ನಮ್ಮ ನೆಚ್ಚಿನ ಸ್ನೇಹಿತ, ನಟನನ್ನು ಕಳೆದುಕೊಂಡೆವು. ಇದರಿಂದ ಅವರ ತಂದೆ–ತಾಯಿ ಬಂಧುಗಳಿಗೆ ತೀವ್ರ ದುಃಖವಾಗಿದೆ. ಅವರ ದುಃಖದಲ್ಲಿ ನಾವಿದ್ದೇವೆ. ಹೋಗಿ ಬಾ ಗೆಳೆಯ’ ಎಂದು ಹೇಳಿದೆ.
