‘ಆಲ್ಫಾ’ ಚಿತ್ರೀಕರಣ ಮುಕ್ತಾಯ

ಚಿರಂತ ಎಂಬ ನೂತನ ಪ್ರತಿಭೆ ಈ ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡುತ್ತಿದ್ದಾರೆ. ಮೂಲತಃ ಬಾಕ್ಸರ್ ಆಗಿರುವ ಚಿರಂತ ಅವರಿಗೆ ‘ಆಲ್ಫಾ’ ಚೊಚ್ಚಲ ಚಿತ್ರ. ನಾಯಕನಾಗಿ ಕಾಣಿಸಿಕೊಂಡಿರುವ ಚಿರಂತ ಈ ಚಿತ್ರದ ನಿರ್ದೇಶಕರೂ ಹೌದು. ಕಥೆ, ಚಿತ್ರಕಥೆ ಕೂಡ ಚಿರಂತ ಅವರದೇ. ಸಿಂಧೂಜ ಈ ಚಿತ್ರದ ನಾಯಕಿ. ಜಗದೀಶ್ ಹಾಗೂ ರವಿಚಂದ್ರ ವಿಲನ್ ಪಾತ್ರದಲ್ಲಿ ಅಭಿನಯಿಸಿದ್ದಾರೆ.

‘ಆಲ್ಫಾ’ ಎಂದರೆ ಗ್ರೀಕ್ ಭಾಷೆಯಲ್ಲಿ ನಂಬರ್ ಒನ್ ಎಂದು ನಾಯಕ ಹಾಗೂ ನಿರ್ದೇಶಕ ಚಿರಂತ ಶೀರ್ಷಿಕೆಯ ಅರ್ಥ ತಿಳಿಸಿದ್ದಾರೆ.

ಅಜ್ಮಲ್ ಖಾನ್ ಛಾಯಾಗ್ರಹಣ, ವಿನ್ಸನ್ ಅಭಿಷೇಕ್ ಸಂಗೀತ ನಿರ್ದೇಶನ, ಸುಜೇಂದ್ರ ಎನ್ ಮೂರ್ತಿ ಸಂಕಲನ ಹಾಗೂ ಕೌರವ ವೆಂಕಟೇಶ್ ಸಾಹಸ ನಿರ್ದೇಶನ ಈ ಚಿತ್ರಕ್ಕಿದೆ.