ಇದು ಹೇಗೆ ಸಾಧ್ಯ?

ಈ ವಿಚಾರದಲ್ಲಿ ನನಗೊಂದು ಸಂದೇಹವಿದೆ. ವಿಜ್ಞಾನ, ಗಣಿತ ವಿಷಯಗಳಲ್ಲಿ ಇಷ್ಟೊಂದು ಅಂಕ ಪಡೆಯಲು ಸಾಧ್ಯವಿದೆ. ಆದರೆ ಭಾಷಾ ವಿಷಯದಲ್ಲಿ ಇಷ್ಟು ಅಂಕ ಪಡೆಯುವುದು ಸಾಧ್ಯವೇ? ಅದರಲ್ಲೂ ಕನ್ನಡ ಭಾಷೆಯಲ್ಲಿ ಉತ್ತರಿಸುವಾಗ ಎಷ್ಟೇ ಬುದ್ಧಿವಂತನಾದರೂ ಇಷ್ಟೊಂದು ಅಂಕ ಪಡೆಯುವುದು ಖಂಡಿತಾ ಸಾಧ್ಯವಿಲ್ಲ. ಮೌಲ್ಯಮಾಪಕರು ಯಾವ ದೃಷ್ಟಿಕೋನದಿಂದ ಮೌಲ್ಯಮಾಪನ ಮಾಡಿ ಅಂಕ ನೀಡುತ್ತಾರೆಂಬುದನ್ನು ತಿಳಿದುಕೊಳ್ಳಬೇಕಾಗಿದೆ.

ನಾವು ಕನ್ನಡದಲ್ಲಿ ಒಂದು ಪತ್ರ ಬರೆದು ಅದನ್ನು ನಾಲ್ಕೈದು ಬಾರಿ ಓದಿದರೂ ಪೂರ್ತಿ ಸರಿಯಾಗಿದೆಯೋ ಇಲ್ಲವೋ ಎಂಬ ಅನುಮಾನ ಇದ್ದೇ ಇರುತ್ತದೆ. ಅಂಥದ್ದರಲ್ಲಿ ವಿದ್ಯಾರ್ಥಿಗಳು ಇಷ್ಟೊಂದು ಅಂಕ ಹೇಗೆ ಪಡೆಯುತ್ತಾರೆ ಎಂಬುದನ್ನು ಸಂಬಂಧಿಸಿದ ಅಧಿಕಾರಿಗಳು ತಿಳಿಸಬೇಕು.

–ಎ.ಕೆ. ಅನಂತಮೂರ್ತಿ, ಬೆಂಗಳೂರು