ವೀಕೆಂಡ್‌ ಸಡಗರ

ಗುರುವಾರ , ಜೂನ್ 27, 2019
29 °C

ವೀಕೆಂಡ್‌ ಸಡಗರ

Published:
Updated:
Prajavani

‘ನನಗೆ ಹೀರೊ ಆಗುವ ಕಲ್ಪನೆಯೇ ಇರಲಿಲ್ಲ. ಎಂಜಿನಿಯರಿಂಗ್‌ ಪದವಿ ಮುಗಿಸಿದ್ದು, ಉದ್ಯಮಿಯಾಗುವ ಕನಸು ಕಾಣುತ್ತಿದ್ದೆ. ನಟನಾ ಕ್ಷೇತ್ರವನ್ನು ಪ್ರವೇಶಿಸಿದ್ದು ಆಕಸ್ಮಿಕ’ ಎಂದು ತಾವು ಬಣ್ಣದಲೋಕಕ್ಕೆ ಕಾಲಿಟ್ಟ ಹಿನ್ನೆಲೆ ಕುರಿತು ಹೇಳಿದರು ನಟ ಮಿಲಿಂದ್‌.

ಅವರು ನಾಯಕ ನಟನಾಗಿರುವ ‘ವೀಕೆಂಡ್‌’ ಸಿನಿಮಾ ಇದೇ ಶುಕ್ರವಾರ ತೆರೆಕಾಣುತ್ತಿದೆ. ಈ ಕುರಿತು ಮಾಹಿತಿ ಹಂಚಿಕೊಳ್ಳಲು ಚಿತ್ರತಂಡ ಸುದ್ದಿಗೋಷ್ಠಿಗೆ ಕರೆದಿತ್ತು.

ಚಿತ್ರದಲ್ಲಿ ಅವರದು ಟೆಕಿ ಪಾತ್ರವಂತೆ. ಅನಂತನಾಗ್‌ ಅವರ ಮೊಮ್ಮಗನಾಗಿ ಅವರು ಕಾಣಿಸಿಕೊಂಡಿದ್ದಾರೆ. ತಾತ ಮತ್ತು ಮೊಮ್ಮಗನ ಬದುಕು ಹೇಗಿರುತ್ತದೆ ಎನ್ನುವುದೇ ಚಿತ್ರದ ಕಥಾಹಂದರ. 

ಕ್ಯಾಮೆರಾ ಎದುರಿಸಲು ಅವರಿಗೆ ಮೊದಲಿಗೆ ಭಯವಾಗುತ್ತಿತ್ತಂತೆ. ಅನಂತನಾಗ್‌ ಅವರಿಗೆ ಈ ಕಥೆ ಹೇಳಿದಾಗ ನಟಿಸಲು ಅವರು ಮೂರು ತಿಂಗಳು ಸಮಯಾವಕಾಶ ಕೇಳಿದರಂತೆ. ಈ ಅವಧಿಯಲ್ಲಿ ನಿರ್ದೇಶಕರು ಮಿಲಿಂದ್‌ಗೆ ಅಭಿನಯದ ಪಟ್ಟುಗಳನ್ನು ಹೇಳಿಕೊಟ್ಟರಂತೆ. 

‘ಟೆಕಿಗಳ ಬದುಕಿನ ಬಗ್ಗೆ ಎಲ್ಲರಿಗೂ ಕುತೂಹಲ ಇರುತ್ತದೆ. ಅದರ ಸುತ್ತವೇ ಚಿತ್ರಕಥೆ ಸಾಗಲಿದೆ’ ಎಂದರು ಮಿಲಿಂದ್‌.

ಶ್ರೀಂಗೇರಿ ಸುರೇಶ್‌ ಕಥೆ, ಚಿತ್ರಕಥೆಯ ಜೊತೆಗೆ ನಿರ್ದೇಶನದ ಜವಾಬ್ದಾರಿಯನ್ನೂ ಹೊತ್ತಿದ್ದಾರೆ. ‘ಕಥೆಗಾಗಿ ಹೊಸ ನಾಯಕನ ಹುಡುಕಾಟ ನಡೆದಿತ್ತು. ಆಗ ನಿಮ್ಮ ಮಗನನ್ನೇ ನಾಯಕನನ್ನಾಗಿ ಮಾಡುವ ಬಗ್ಗೆ ನಿರ್ಮಾಪಕರಿಗೆ ಹೇಳಿದೆ. ಕಥೆಯ ಪಾತ್ರಕ್ಕೆ ಆತ ಹೊಂದಿಕೊಳ್ಳುತ್ತಿತ್ತು. ಹಾಗಾಗಿ, ಮಿಲಿಂದ್‌ನನ್ನು ಹೀರೊ ಆಗಿ ಆಯ್ಕೆ ಮಾಡಲಾಯಿತು’ ಎಂದು ಸ್ಪಷ್ಟನೆ ನೀಡಿದರು.

‘ಹೀರೊ ಆಗುವಂತೆ ನನ್ನ ಮಗನಿಗೆ ಒತ್ತಡ ಹೇರಿಲ್ಲ. ಅನಂತನಾಗ್‌ ಸರ್‌ ನಟಿಸಿದರೆ ಮಾತ್ರವೇ ಈ ಚಿತ್ರ ಮಾಡಲು ನಿರ್ಧರಿಸಿದ್ದೆ. ಅವರು ನಟಿಸಲು ಒಪ್ಪಿದ್ದರಿಂದ ಈ ಸಿನಿಮಾವಾಗಿದೆ’ ಎಂದರು ನಿರ್ಮಾಪಕ ಮಂಜುನಾಥ ಡಿ.

ಇದೇ ವೇಳೆ ಚಿತ್ರದ ಟ್ರೇಲರ್‌ ಅನ್ನು ಬಿಡುಗಡೆಗೊಳಿಸಲಾಯಿತು. ಸಂಜನಾ ಬುರ್ಲಿ ಈ ಚಿತ್ರದ ನಾಯಕಿ. ರಘು, ಸಂಜಯ್‌, ಸಚಿನ್, ಕಾರ್ತಿಕ್‌ ತಾರಾಗಣದಲ್ಲಿದ್ದಾರೆ.

 

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !