ಇಂತಹ ಉತ್ಸವಗಳಲ್ಲಿ ಚಿತ್ರದ ಮೇಕಿಂಗ್ ಜೊತೆಗೆ ಮಾರ್ಕೆಟಿಂಗ್, ಪ್ರೊಮೋಷನ್ ಇತ್ಯಾದಿಗಳ ಬಗ್ಗೆ ಆಸಕ್ತ ವಿದ್ಯಾರ್ಥಿಗಳು, ಉದ್ದಿಮೆದಾರರು ಬರುತ್ತಾರೆ ಎಂಬ ಪರಿವೆಯೂ ಕೆಜಿಎಫ್ ತಂಡಕ್ಕೆ ಇದ್ದಂತಿಲ್ಲ. ಭಾಗವಹಿಸಿದ ಛಾಯಾಗ್ರಾಹಕ ಕಲಾನಿರ್ದೇಶಕ ಮತ್ತು ನಟರು ತಾವು ಎಷ್ಟು ಎಂಜಾಯ್ ಮಾಡಿದೆವು, ತಮಗೆ ಚಾನ್ಸ್ ಕೊಟ್ಟ ನಿರ್ದೇಶಕ, ನಿರ್ಮಾಪಕ ಎಂತಹ ಮಹಾನ್ ವ್ಯಕ್ತಿ ಇತ್ಯಾದಿ ಮಾತುಗಳನ್ನು ಗಾಂಧಿನಗರದ ಹೋಟೆಲಿನ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡುವಂತೆ ಮಾತಾಡಿ ಹೊರಟರು.
