ಸಿನಿಮಾ ವಿಮರ್ಶೆ: ಹೊಡೆದಾಟವೇ ‘ಫೈಟರ್‌’ ಗುರಿ!

ನಟ ವಿನೋದ್ ಪ್ರಭಾಕರ್ ಚಿತ್ರದಲ್ಲಿದ್ದ ಮೇಲೆ ಒಂದಷ್ಟು ಆ್ಯಕ್ಷನ್ ಇರಲೇಬೇಕು. ಚಿತ್ರ,ವಿಚಿತ್ರ ಫೈಟ್ಗಳು ಕಾಣಿಸಬೇಕು. ಭರಪೂರ ಫೈಟ್ನಿಂದಲೇ ತುಂಬಿ ತುಳುಕುವ ‘ಫೈಟರ್’ನ ಕಥೆಯನ್ನು ಒಂದು ಸಾಲಿನಲ್ಲಿ ಹೇಳುವುದು ಕಷ್ಟ! ನಾಯಕ ವಿನೋದ್ ಪ್ರಭಾಕರ್ ಮೋಹಕ್ ಎಂಬ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ನಾಯಕಿ ಲೇಖಾಚಂದ್ರ ವಿಸ್ಮಯಳಾಗಿ ಬರುತ್ತಾರೆ. ಸಣ್ಣ ಹುಡುಗನೊಬ್ಬನ ಮೇಲೆ ನಾಲ್ಕಾರು ನಾಯಿಗಳು ದಾಳಿ ಮಾಡುತ್ತವೆ. ಆತ ಅದರಿಂದ ಬದುಕುಳಿಯುವ ದೃಶ್ಯದಿಂದ ಸಿನಿಮಾ ಪ್ರಾರಂಭವಾಗುತ್ತದೆ. ಮೊಮ್ಮಗನ ಮೇಲೆ ನಾಯಿಗಳನ್ನು ಹರಿಬಿಟ್ಟವನು ಸ್ವಂತ ತಾತ. ಯಾಕೆ ಎಂಬುದಕ್ಕೆ ಚಿತ್ರದ ಕ್ಲೈಮ್ಯಾಕ್ಸ್ತನಕ ಕಾಯಬೇಕು.

. ಚಿತ್ರದಲ್ಲಿ ಹಲವಾರು ಕಥೆಗಳು ಬಂದು ಹೋಗುವುದರಿಂದ ಮುಖ್ಯ ಕಥೆ ಇದೇ ಆಗಿರಬಹುದೆಂದು ನಾವೇ ಊಹಿಸಿಕೊಳ್ಳಬೇಕು! ಮೋಹಕನ ತಾಯಿ ಪಾತ್ರದಲ್ಲಿ ತಮಿಳು ನಟಿ ನಿರೋಷ ರಾಧಾ ಕಾಣಿಸಿಕೊಂಡಿದ್ದಾರೆ. ಅವರು ಜಿಲ್ಲಾಧಿಕಾರಿ. ಆದರೆ ಪಾತ್ರಕ್ಕೆ ಅವರು ಸೂಕ್ತ ಆಯ್ಕೆ ಆಗಿರಲಿಲ್ಲವೇನೋ ಎನ್ನಿಸುತ್ತದೆ. ಅಧಿಕಾರಿಯಾಗಿಯೂ, ತಾಯಿಯಾಗಿಯೂ ಅವರು ಕನೆಕ್ಟ್ ಆಗುವುದಿಲ್ಲ. ಅದಕ್ಕಿಂತ ಹೆಚ್ಚಾಗಿ ಸಾಕಷ್ಟು ಕಡೆ ಅವರ ಡಬ್ಬಿಂಗ್ ಸೂಕ್ತವಾಗಿಲ್ಲ. ಈ ಪಾತ್ರಕ್ಕೆ ಸ್ಥಳೀಯ ಪೋಷಕನಟಿಯರನ್ನು ನಿರ್ದೇಶಕರು ಬಳಸಿಕೊಳ್ಳಬಹುದಿತ್ತು.

. ಚಿತ್ರದ ಮೊದಲಾರ್ಧ ಬ್ಲಡ್ಬ್ಯಾಂಕ್ ಮಾಫಿಯಾದ ಮೇಲೆ ಸಾಗುತ್ತದೆ. ನಾಯಕನ ಹೊಡೆದಾಟಕ್ಕೊಂದು ಕಾರಣಬೇಕು, ಖಳನಾಯಕರು ಇರಬೇಕು ಎಂಬ ಕಾರಣಕ್ಕೆ ಈ ಸನ್ನಿವೇಶಗಳನ್ನು ಸೃಷ್ಟಿಸಿದಂತೆ ಭಾಸವಾಗುತ್ತದೆ. ಯಾಕೆಂದರೆ ಚಿತ್ರದ ಕ್ಲೈಮ್ಯಾಕ್ಸ್ಗೂ ಮೊದಲಾರ್ಧಕ್ಕೂ ಸಂಬಂಧವೇ ಇಲ್ಲ. ಬ್ಲಡ್ಬ್ಯಾಂಕ್ ಮಾಫಿಯಾ ವಿರುದ್ಧದ ಹೋರಾಟ ಎಂದುಕೊಳ್ಳುತ್ತಿದ್ದಂತೆ ನಾಯಕಿ ವಿಸ್ಮಯಾಳ ಪ್ರವೇಶವಾಗುತ್ತದೆ. ಮೋಹಕ ಮತ್ತು ವಿಸ್ಮಯಳ ಪ್ರೇಮ ಕಥೆ ಆರಂಭವಾಗುತ್ತದೆ. ಪ್ರೇಮಕಥೆ ಅದೆಷ್ಟು ಪೇಲವವಾಗಿದೆಯೆಂದರೆ, 10 ವರ್ಷದ ಹಿಂದಿನ ಸಿನಿಮಾವೊಂದನ್ನು ನೋಡಿದಂತೆ ಭಾಸವಾಗುತ್ತದೆ. ನಾಯಕಿ ಬಾಯಿಯಲ್ಲಿ ಬರೀ ದ್ವಂದಾರ್ಥದ ಮಾತುಗಳನ್ನು ಹೇಳಿಸಿ ಪ್ರೇಕ್ಷಕನನ್ನು ನಗಿಸುವ ನಿರ್ದೇಶಕರ ಯತ್ನ ಫಲ ನೀಡಿಲ್ಲ. ನಾಯಕಿ ನಟನೆಯೂ ಅಷ್ಟಕಷ್ಟೆ.

. ಪ್ರೇಮವಾದರೂ ಮುಂದುವರೆಯುತ್ತದೆಯಾ ಎಂದರೆ, ಅದೂ ಇಲ್ಲ. ಒಂದು ಫೈಟ್ ಮುಗಿಯುತ್ತಿದ್ದಂತೆ ಹಾಡು ಎಂಬ ಸಿದ್ಧಸೂತ್ರದಡಿ ಮೊದಲಾರ್ಧ ಮುಗಿದರೆ, ದ್ವಿತೀಯಾರ್ಧ ಬೇರೆಯದೇ ಕಥೆ. ಮತ್ತೊಂದು ನಾಯಕಿಯ ಪ್ರವೇಶ. ಮತ್ತೊಬ್ಬ ಖಳನಾಯಕನಾಗಿ ಶರತ್ ಲೋಹಿತಾಶ್ವ ಬರುತ್ತಾರೆ. ಗುರುಕಿರಣ್ ಸಂಗೀತದಲ್ಲಿ ಯಾವ ಹಾಡುಗಳೂ ಕಿವಿಗೆ ಹಿತ ಎನ್ನಿಸುವುದಿಲ್ಲ. ಹಿನ್ನೆಲೆ ಸಂಗೀತವೂ ಹಿತವಾಗಿಲ್ಲ. ಛಾಯಾಗ್ರಹಣ ಕೂಡ ನಡೆಯುತ್ತಿರುವ ದೃಶ್ಯಗಳಿಗೆ ಪೂರಕವಾಗಿಲ್ಲ. ಅನವಶ್ಯ ಸಂಗತಿಗಳು, ಜೂನಿಯರ್ ಆರ್ಟಿಸ್ಟ್ಗಳಿಂದ ಫ್ರೇಮು ತುಂಬಿಸುವ ಕೆಲಸವಾಗಿದೆಯಷ್ಟೆ.

. ಚಿತ್ರ: ಫೈಟರ್

ನಿರ್ದೇಶನ: ನೂತನ್ ಉಮೇಶ್

ನಿರ್ಮಾಣ: ಕೆ.ಸೋಮಶೇಖರ್

ತಾರಾಗಣ: ವಿನೋದ್ ಪ್ರಭಾಕರ್ ಲೇಖಾಚಂದ್ರ ಪಾವನಾ ಗೌಡ ಮತ್ತಿರರು

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಿನಿಮಾ ವಿಮರ್ಶೆ: ಹೊಡೆದಾಟವೇ ‘ಫೈಟರ್‌’ ಗುರಿ!

ಏಷ್ಯನ್ ಪೈಂಟ್ಸ್ ಪರಿಚಯಿಸುತ್ತಿದೆ ಒಳಾಂಗಣ ಬಣ್ಣಗಳಲ್ಲಿ ಗೇಮ್ ಚೇಂಜರ್ ‘ಅಪ್ಕೊಲೈಟ್ ಆಲ್ ಪ್ರೊಟೆಕ್’

ಚಿನಕುರುಳಿ Cartoon: 08 ಆಗಸ್ಟ್ 2025

ನಮ್ಮ ಮೆಟ್ರೊ ಕಿತ್ತಳೆ ಮಾರ್ಗಕ್ಕೆ ಭೂಸ್ವಾಧೀನ: ಸಂತ್ರಸ್ತರೊಂದಿಗೆ ಸಮಾಲೋಚನೆ

ಚುರುಮುರಿ: ‘ದರ ಮಹಾಲಕ್ಷ್ಮೀ’ ವ್ರತ!

ಕಣ್ತೆರೆಸುವ ಅಂಧಗಾತಿಯರು: ಭಾರತ ಅಂಧ ಕ್ರಿಕೆಟ್ ತಂಡದ ಆಟಗಾರ್ತಿಯರ ಯಶೋಗಾಥೆ

ಅತ್ಯಾಚಾರ ಪ್ರಕರಣ: ಆರೋಪಿ ಪಾಕ್‌ ಕ್ರಿಕೆಟಿಗ ಹೈದರ್‌ ಅಲಿ ಅಮಾನತು

ಈಜು: ಕರ್ನಾಟಕದ ಬಾಲಕಿಯರಿಗೆ ಬೆಳ್ಳಿ

ಚೆನ್ನೈ ಗ್ರ್ಯಾಂಡ್‌ಮಾಸ್ಟರ್ಸ್‌ ಚೆಸ್‌: ಡ್ರಾ ಪಂದ್ಯದಲ್ಲಿ ಅರ್ಜುನ್‌

ಒಳನೋಟ: ರಾಜ್ಯ ಕ್ರೀಡಾ ವಲಯ ನಿತ್ರಾಣ

ಒಳನೋಟ | ‘ಉತ್ತರ’ದ ಪ್ರತಿಭಾ ವಲಸೆ

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಏಷ್ಯನ್ ಪೈಂಟ್ಸ್ ಪರಿಚಯಿಸುತ್ತಿದೆ ಒಳಾಂಗಣ ಬಣ್ಣಗಳಲ್ಲಿ ಗೇಮ್ ಚೇಂಜರ್ ‘ಅಪ್ಕೊಲೈಟ್ ಆಲ್ ಪ್ರೊಟೆಕ್’

ಚಿನಕುರುಳಿ Cartoon: 08 ಆಗಸ್ಟ್ 2025

ನಮ್ಮ ಮೆಟ್ರೊ ಕಿತ್ತಳೆ ಮಾರ್ಗಕ್ಕೆ ಭೂಸ್ವಾಧೀನ: ಸಂತ್ರಸ್ತರೊಂದಿಗೆ ಸಮಾಲೋಚನೆ

ಚುರುಮುರಿ: ‘ದರ ಮಹಾಲಕ್ಷ್ಮೀ’ ವ್ರತ!