800ರ ಸಂಭ್ರಮದಲ್ಲಿ ‘ಬ್ರಹ್ಮಗಂಟು’

ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಜನಪ್ರಿಯ ಧಾರಾವಾಹಿಗಳಲ್ಲಿ ಒಂದಾದ ‘ಬ್ರಹ್ಮಗಂಟು’ 800 ಕಂತುಗಳನ್ನು ಪೂರೈಸಿದ ಸಂಭ್ರಮದಲ್ಲಿ ಇದೆ. 

2017ರ ಮೇ 8ರಂದು ಆರಂಭವಾದ ಈ ಧಾರಾವಾಹಿಯ ನಿರ್ಮಾಣ ಮತ್ತು ನಿರ್ದೇಶನ ಶ್ರುತಿ ನಾಯ್ಡು ಅವರದ್ದು. ‘ಇದು ನಮ್ಮ ವಾಹಿನಿಯ ಅತ್ಯಂತ ಜನಪ್ರಿಯ ಧಾರಾವಾಹಿಗಳಲ್ಲಿ ಒಂದು. ಇದರಲ್ಲಿ ಬರುವ ಗೀತಾ ಪಾತ್ರವು ನಮ್ಮ ನಡುವಿನ ಅದೆಷ್ಟೋ ಹೆಣ್ಣುಮಕ್ಕಳನ್ನು ಪ್ರತಿನಿಧಿಸುತ್ತದೆ. ಎಷ್ಟೋ ಜನ ಯುವತಿಯರು ಈ ಪಾತ್ರದಲ್ಲಿ ತಮ್ಮನ್ನು ಕಂಡುಕೊಂಡಿದ್ದಾರೆ’ ಎಂದು ವಾಹಿನಿಯ ಬ್ಯುಸಿನೆಸ್ ಹೆಡ್ ರಾಘವೇಂದ್ರ ಹುಣಸೂರು ಹೇಳಿದ್ದಾರೆ.

ಭಾರತಿ ಭಟ್ ಇದರಲ್ಲಿ ಗೀತಾಳ ಪಾತ್ರದಲ್ಲಿ, ಭರತ್ ಬೋಪಣ್ಣ ಅವರು ಲಕ್ಕಿ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.