ಶನಿವಾರ, ಆಗಸ್ಟ್ 8, 2020
22 °C

ಹಣ್ಣಿನ ಬೀಜ

ನಾಗೇಶ ಜಿ. ವೈದ್ಯ Updated:

ಅಕ್ಷರ ಗಾತ್ರ : | |

Prajavani

ಆತುರದಲ್ಲಿ ಕಿತ್ತಳೆ ತಿನ್ನುತ

ಬೀಜ ನುಂಗಿದನು ಕಿಟ್ಟ

ಏನಾಗುವುದೋ ತನ್ನಯ ಹೊಟ್ಟೆಗೆ

ಯೋಚಿಸಿ ಕಣ್ಣೀರಿಟ್ಟ

 

ಬೀಜವು ಬೆಳೆದು ಮರವಾಗುವುದು

ತನ್ನ ಹೊಟ್ಟೆಯಲ್ಲಿ

ಬೆಳೆಯುವ ಹಂತದಿ ಜಾಗೆಯು ಸಾಲದೆ

ಬರುವುದು ಉದರವ ಸೀಳಿ

 

ರಾಮು, ಶ್ಯಾಮು ಓಡಿಬಂದರು

ಅಳುತಿಹ ಗೆಳೆಯನ ಕಂಡು

ಬಿಕ್ಕುತ ಕಿಟ್ಟನು ವಿಷಯವ ಹೇಳಿದ

ಕೇಳಲು ಏನಾಯ್ತೆಂದು

 

ಇಬ್ಬರೂ ಗೆಳೆಯರು ತಿಳಿಹೇಳಿದರು

ನಿಜವು ಬೀಜ ಮರವಾಗುವುದು

ಆದರೆ ಭೂಮಿಯ ಮೇಲೆ ಸಾಧ್ಯವು

ಹೊಟ್ಟೆಯಲೆಂದೂ ಬೆಳೆಯದದು

 

ತಿಂದದ್ದುಂಟು ಹಣ್ಣಿನ ಬೀಜ

ನಿನ್ನ ಹಾಗೆ ನಾವೂ ಕೂಡ

ಗಿಡ, ಮರ ಯಾವುದು ಬೆಳೆದಿಲ್ಲ

ಗೆಳೆಯ ಹೆದರಬೇಡ

 

ಗೆಳೆಯರ ಮಾತು ಕೇಳಿದ ಮೇಲೆ

ಧೈರ್ಯವು ಬಂತು ಕಿಟ್ಟನಿಗೆ

ನಾಚಿದ ತನ್ನಯ ಮೊದ್ದುತನಕ್ಕೆ

ತಾ ಅಳಬೇಕಿತ್ತೆ ಹೀಗೆ?

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.