ಜ್ವರ ಬಾರದ ಇಂಜೆಕ್ಷನ್

`ಗಂಡನ ಹೆಸರೇನಮ್ಮಾ' ಎಂದೆ ಎದುರುಗಡೆ ಕುಳಿತವಳಿಗೆ. `ನನ್ನ ಗಂಡಂದಾ?' ಎಂದಳು. `ಇಲ್ಲಾ, ಪಕ್ಕದ ಮನೆಯವರ ಹೆಸರನ್ನಾ ಕೇಳ್ತೀವಿ ನಾವು' ಎಂದು ಕೇಳಬೇಕು ಎನಿಸಿತು.

ಇವೆಲ್ಲ ವೈದ್ಯರು ಮತ್ತು ರೋಗಿಗಳ ನಡುವೆ ಸಾಮಾನ್ಯವಾಗಿ ನಡೆಯುವಂತಹ ಮಾತುಕತೆ. ಆದರೆ ನಮ್ಮಲ್ಲಿ ಹಾಸ್ಯಪ್ರಜ್ಞೆ ಇದ್ದರೆ ಸಾಕು ಎಲ್ಲದರಲ್ಲೂ ಹಾಸ್ಯ ಕಾಣಿಸುತ್ತದೆ.

ಕ್ಲಿನಿಕ್ಗೆ ಬರುವ ಕೆಲವರು ಹೇಳುತ್ತಾರೆ, `ಡಾಕ್ಟ್ರೆ ನೀವು ಹೋದ ವರ್ಷ ಜ್ವರಕ್ಕೆ ಒಂದು ಇಂಜೆಕ್ಷನ್ ಹಾಕಿದ್ರಿ ನೋಡಿ, ಈವರೆಗೂ ತಿರುಗಾ ಜ್ವರ ಬಂದಿಲ್ಲ' ಎನ್ನುತ್ತಾರೆ. ಆ ಬಗೆಯ ಇಂಜೆಕ್ಷನ್ ಇರಲು ಸಾಧ್ಯವಾ... ನೀವೇ ಹೇಳಿ. *** ಒಂದು ದಿನ ಗಂಡ ಹೆಂಡತಿ ಬಂದಿದ್ರು. ಗಂಡನಿಗೆ ತುಂಬಾ ಗೊರಕೆಯ ತೊಂದರೆ. ಸಾರಿ... ವಿಷಯ ಅದಲ್ಲ. ಗಂಡ ಹಾಗೆ ಗೊರಕೆ ಹೊಡೆಯುವುದರಿಂದ ಹೆಂಡತಿಗೆ ನಿದ್ರೆ ಮಾಡುವುದಕ್ಕೆ ತೊಂದರೆ. ಮಾತಿನ ಮಧ್ಯದಲ್ಲಿ, ಆತನಿಗೆ 25 ವರ್ಷ ಇರುವಾಗಿನಿಂದಲೇ ಸಕ್ಕರೆ ಕಾಯಿಲೆ ಇರುವುದು ತಿಳಿದುಬಂತು.

`ಪಾಪ, ಅಷ್ಟು ಚಿಕ್ಕ ವಯಸ್ಸಿಗೇ ಡಯಾಬಿಟೀಸ್ ಬಂತಾ' ಎಂದೆ. ಅದಕ್ಕೆ ಅವನ ಹೆಂಡತಿ, `ಓ ಬಿಡಿ ಡಾಕ್ಟ್ರೆ ಮದುವೆ ಆಗೋಕೆ ದೊಡ್ಡ ವಯಸ್ಸು, ಕಾಯಿಲೆ ಬರಕ್ಕೆ ಮಾತ್ರ ಚಿಕ್ಕ ವಯಸ್ಸಾ' ಎನ್ನೋದೇ! *** ಆಕೆಯ ಹೆಸರು ಸುನಂದ. ಮದುವೆಯಾಗಿ ಮೂರು ವರ್ಷ ಆಗಿದೆ, ಮಗುವಿಲ್ಲ ಎಂದು ಕ್ಲಿನಿಕ್ಗೆ ಬಂದಳು. ಮುಟ್ಟಾದ ಎರಡನೇ ದಿನದಿಂದ ಮಾತ್ರೆಯನ್ನು 5 ದಿನ ತೆಗೆದುಕೊಳ್ಳಬೇಕು, ಆಮೇಲೆ 11ನೇ ದಿನದಿಂದ ಸ್ಕ್ಯಾನ್ ಮಾಡಿಸುತ್ತೇವೆ. ಅದಕ್ಕೆ ಫಾಲಿಕ್ಯುಲಾರ್ ಸ್ಟಡಿ ಎನ್ನಲಾಗುತ್ತದೆ. ಗಂಡ-ಹೆಂಡತಿ ಯಾವಾಗ ಜೊತೆಯಲ್ಲಿರಬೇಕು ಎಂದು ನಿಖರವಾಗಿ ಹೇಳುತ್ತೇವೆ. ಹಾಗೆಯೇ ಸುನಂದಾಳಿಗೂ ಸ್ಕ್ಯಾನ್ ಮಾಡಿಸಿ, ಇಂಜೆಕ್ಷನ್ನೂ ಕೊಟ್ಟಾಯಿತು.

`ನೋಡಮ್ಮಾ ಇವತ್ತಿಂದ ಎರಡು ದಿನ ಗಂಡ ಹೆಂಡತಿ ಜೊತೆಯಲ್ಲಿರಬೇಕು' ಎಂದೆ. `ಏ... ಅದೆಲ್ಲ ಆಗಲ್ಲ ಡಾಕ್ಟ್ರೆ' ಎಂದಳು. ಆಶ್ಚರ್ಯದಿಂದ `ಯಾಕೆ ಏನಾಯ್ತು?' ಎಂದೆ, `ನಮ್ಮ ಯಜಮಾನ್ರು ಊರಲ್ಲಿಲ್ಲ. ಬಿಸಿನೆಸ್ ಟ್ರಿಪ್ ಹೋಗಿ 15 ದಿನ ಆಯ್ತು. ಬರೋಕ್ಕೆ ಇನ್ನೂ ಒಂದು ತಿಂಗಳು ಆಗಬಹುದು' ಎಂದಳು.

`ಅಲ್ಲಮ್ಮಾ ಈ ಟೈಂನಲ್ಲಿ ಅವರ್ಯಾಕೆ ಊರಿಗೆ ಹೋದ್ರು, ಮತ್ತೆ ನೀನ್ಯಾಕೆ ಟ್ರೀಟ್ಮೆಂಟ್ ಮಾಡಿಸಿಕೊಂಡೆ' ಎಂದೆ ಸಿಟ್ಟಿನಿಂದ.

`ಟ್ರೀಟ್ಮೆಂಟ್ಗೂ ನನ್ನ ಗಂಡಂಗೂ ಏನು ಸಂಬಂಧ? ಮಗು ಆಗಬೇಕಂದ್ರೆ ನನ್ನ ಗಂಡ ಇರಲೇಬೇಕಾ?' ಎಂದು ಇಷ್ಟಗಲ ಬಾಯಿ ಬಿಟ್ಟುಕೊಂಡು ಕೇಳಿದಾಗ ನನಗೆ ತಲೆ ತಿರುಗಿಬಂತು. *** ಅವಳಿಗೆ 20-22 ವರ್ಷ ಇರಬಹುದು. ಅವತ್ತು ಕ್ಲಿನಿಕ್ನಲ್ಲಿ ತುಂಬಾ ರಷ್ ಇತ್ತು. ಬಂದವಳೇ, `ಡಾಕ್ಟ್ರೆ ಪೀರಿಯಡ್ ಮಿಸ್ ಆಗಿದೆ. ಸ್ವಲ್ಪ ಡೌಟ್ ಇದೆ' ಎಂದಳು. ತುಂಬಾ ಬಿಜಿ ಇದ್ದುದರಿಂದ, ಒಳಗೆ ಹೋಗಿ ಮೂತ್ರ ಪರೀಕ್ಷೆ ಮಾಡಿಸುವಂತೆ ಹೇಳಿ, ಬೇರೆ ರೋಗಿಗಳನ್ನು ನೋಡುತ್ತಿದ್ದೆ. ನಮ್ಮ ಕ್ಲಿನಿಕ್ನ ಹುಡುಗಿ ಬಂದು, `ಮೇಡಂ ಪಾಸಿಟಿವ್ ಇದೆ' ಎಂದಳು.

ನಾನು ಖುಷಿಯಿಂದ, `ಓ ಗುಡ್ನ್ಯೂಸ್' ಎಂದೆ. ಪೇಷೆಂಟ್ ನಗಲಿಲ್ಲ. `ಡಾಕ್ಟ್ರೆ, ನನಗಿನ್ನೂ ಮದುವೆ ಆಗಿಲ್ಲ' ಎಂದಳು. ಓ ಹೌದಾ... ಓಕೆ, ನಿನಗೊಂದು ಬ್ಯಾಡ್ನ್ಯೂಸ್, ನೀನೀಗ ಬಸುರಿ' ಎಂದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಜ್ವರ ಬಾರದ ಇಂಜೆಕ್ಷನ್

ಚಿನಕುರುಳಿ: ಗುರುವಾರ, 30 ಅಕ್ಟೋಬರ್ 2025

ಚುರುಮುರಿ: ‘ಮಕ್ಕಳ’ ದಿನಾಚರಣೆ!

ತುಳಸಿ ಹಬ್ಬ ಎಂದು, ಪೂಜೆಗೆ ಸೂಕ್ತ ಸಮಯ ಯಾವುದು? ಇಲ್ಲಿದೆ ಮಾಹಿತಿ

ಚಿನ್ನದ ಬೆಲೆ ಗಗನಕ್ಕೆ: ಮದುವೆಗೆ ಮೂರೇ ಆಭರಣ ಧರಿಸಲು ಪಂಚಾಯಿತಿ ಆದೇಶ!

Womens World Cup: ಜೆಮಿಮಾ ಶತಕ; ಆಸೀಸ್ ಮಣಿಸಿ ಫೈನಲ್‌ಗೆ ಲಗ್ಗೆ ಇಟ್ಟ ಭಾರತ

ಒಲಿಂಪಿಕ್ಸ್‌ನಲ್ಲಿ ಕ್ರಿಕೆಟ್‌: ಜಯ್ ಶಾ, ಕ್ರಿಸ್ಟಿ ಕೊವೆಂಟ್ರಿ ಚರ್ಚೆ

IPL: ಕೆಕೆಆರ್‌ ಹೆಡ್‌ಕೋಚ್‌ ಆಗಿ ಅಭಿಷೇಕ್ ನಾಯರ್

ಹೈಲೊ ಓಪನ್‌: ಪೊಪೊವ್‌ಗೆ ಆಘಾತ ನೀಡಿದ ಕಿರಣ್‌ ಜಾರ್ಜ್

ಒಳನೋಟ: ಪೌಷ್ಠಿಕ ಯೋಜನೆಯಡಿ ಬುಡಕಟ್ಟು ಜನರಿಗೆ ‘ಕಳಪೆ’ ಆಹಾರ ಪೂರೈಕೆ

ಆಧುನಿಕತೆ ಮಧ್ಯೆ ನಲುಗಿದ ಕುಲಕಸುಬು: ಕತ್ತಲಲ್ಲಿ ಕುಂಬಾರರ ಬದುಕು

Firecracker Scam | ಹೆಸರಿಗೆ ಹಸಿರು: ಒಳಗೆ ‘ವಿಷ’

ಒಳನೋಟ | ಭೂಮಾಫಿಯಾದ ಮಾಯಾಜಾಲ: ನಿಮ್ಮ ಮನೆಯನ್ನೂ ಕಸಿದಾರು ಹುಷಾರು

ಚಿನಕುರುಳಿ: ಗುರುವಾರ, 30 ಅಕ್ಟೋಬರ್ 2025

ಚುರುಮುರಿ: ‘ಮಕ್ಕಳ’ ದಿನಾಚರಣೆ!

ತುಳಸಿ ಹಬ್ಬ ಎಂದು, ಪೂಜೆಗೆ ಸೂಕ್ತ ಸಮಯ ಯಾವುದು? ಇಲ್ಲಿದೆ ಮಾಹಿತಿ

ಚಿನ್ನದ ಬೆಲೆ ಗಗನಕ್ಕೆ: ಮದುವೆಗೆ ಮೂರೇ ಆಭರಣ ಧರಿಸಲು ಪಂಚಾಯಿತಿ ಆದೇಶ!