ನವದೆಹಲಿ: ಭಾರತೀಯ ಕೃಷಿ ಸಂಶೋಧನಾ ಮಂಡಳಿ (ಐಸಿಎಆರ್‌) ಪರೀಕ್ಷೆಯ ದಿನಾಂಕಗಳಂದೇ ರಾಷ್ಟ್ರೀಯ ಅರ್ಹತಾ ಪರೀಕ್ಷೆಯ (ನೆಟ್‌) ದಿನಾಂಕ ನಿಗದಿಯಾಗಿರುವುದರಿಂದ, ನೆಟ್‌ ಪರೀಕ್ಷೆಯನ್ನು ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ (ಎನ್‌ಟಿಎ) ಮುಂದೂಡಿದೆ.
ಈ ಹಿಂದೆ ಸೆ.16ರಿಂದ 25ರವರೆಗೆ ನೆಟ್‌ ನಿಗದಿಯಾಗಿತ್ತು. ಇದೀಗ ಈ ಪರೀಕ್ಷೆಯನ್ನು ಸೆ.24ರಿಂದ ಆರಂಭಿಸಲು ಎನ್‌ಟಿಎ ನಿರ್ಧರಿಸಿದೆ. ‘ಐಸಿಎಆರ್‌ ಪರೀಕ್ಷೆಗಳನ್ನು ಸೆ16ರಿಂದ 23ರವರೆಗೆ ಎನ್‌ಟಿಎ ನಡೆಸಲಿದೆ. ಈ ಕಾರಣದಿಂದಾಗಿ ಸೆ.24ರಿಂದ ಯುಜಿಸಿ–ನೆಟ್‌ 2020ರ ಪರೀಕ್ಷೆಗಳು ಆರಂಭವಾಗಲಿವೆ’ ಎಂದು ಎನ್‌ಟಿಎ ಹಿರಿಯ ನಿರ್ದೇಶಕಿ ಸಾಧನಾ ಪರಶಾರ್‌ ಹೇಳಿದರು.
ಶೀಘ್ರದಲ್ಲೇ ವಿಷಯವಾರು ದಿನಾಂಕ, ಅವಧಿಯನ್ನು ಎನ್‌ಟಿಎ ವೆಬ್‌ಸೈಟ್‌ನಲ್ಲಿ ಪ್ರಕಟಿಸಲಾಗುವುದು ಎಂದರು.ಜೂನ್‌ನಲ್ಲಿ ನಡೆಯಬೇಕಿದ್ದ ಪರೀಕ್ಷೆಯನ್ನುಲಾಕ್‌ಡೌನ್ ಕಾರಣದಿಂದಾಗಿ ಎನ್‌ಟಿಎ ಮುಂದೂಡಿತ್ತು.
