ನವದೆಹಲಿ(ಪಿಟಿಐ): ಭಾರತದಲ್ಲೇ ಅಭಿವೃದ್ಧಿಪಡಿಸಿದಅಲಯನ್ಸ್‌ನ ಡೊರ್ನಿಯರ್-228 ವಿಮಾನವು ದಿಬ್ರುಗಢ-ಪಾಸಿಘಾಟ್ ಮಾರ್ಗ ಮಧ್ಯೆ ಮಂಗಳವಾರದಿಂದ ಮೊಟ್ಟ ಮೊದಲ ಬಾರಿಗೆ ಸಂಚಾರ ಸೇವೆ ಆರಂಭಿಸಲಿದೆ ಎಂದು ಕೇಂದ್ರ ನಾಗರಿಕ ವಿಮಾನಯಾನ ಸಚಿವಾಲಯ ತಿಳಿಸಿದೆ.
ಕೇಂದ್ರ ಸರ್ಕಾರ ನಿರ್ವಹಿಸುವ ಅಲಯನ್ಸ್ ವಿಮಾನ ಸಂಸ್ಥೆಯು, 17 ಸೀಟುಗಳನ್ನು ಒಳಗೊಂಡ 2 ಡೊರ್ನಿಯರ್-228 ವಿಮಾನಗಳನ್ನು ಭೋಗ್ಯಕ್ಕೆ ಪಡೆಯಲು ಎಚ್ಎಎಲ್ ಜೊತೆ ಫೆಬ್ರುವರಿಯಲ್ಲಿ ಒಪ್ಪಂದ ಮಾಡಿಕೊಂಡಿದ್ದು, ಇದರ ಭಾಗವಾಗಿ ಏಪ್ರಿಲ್ 7ರಂದು ಮೊದಲ ಡೊರ್ನಿಯರ್-228 ವಿಮಾನವನ್ನು ಪಡೆದಿದೆ.
ಈಶಾನ್ಯ ಭಾರತದ ಅಸ್ಸಾಂನ ದಿಬ್ರುಗಢ ಮತ್ತು ಅರುಣಾಚಲ ಪ್ರದೇಶದ ಪಾಸಿಘಾಟ್ ಮಧ್ಯೆ ಮಂಗಳವಾರಈ ವಿಮಾನದ ಮೊದಲ ಸಂಚಾರ ಆರಂಭವಾಗಲಿದೆ. ಈ ಮೂಲಕ ಈಶಾನ್ಯ ರಾಜ್ಯಗಳ ನಡುವಿನ ಸಂಪರ್ಕಕ್ಕೆ ಈ ವಿಮಾನ ಸೇವೆಯು ಒತ್ತು ನೀಡಲಿದೆ ಎಂದು ವಿಮಾನಯಾನ ಸಂಸ್ಥೆ ಹೇಳಿದೆ.
