ಶನಿವಾರ, ಜೂನ್ 19, 2021
27 °C

ಕೋವಿಡ್‌ ಚಿಕಿತ್ಸೆಯಲ್ಲಿ ರೆಮ್‌ಡಿಸಿವಿರ್‌ ತರ್ಕಬದ್ಧ ಬಳಕೆ: ಸರ್ಕಾರ ಸಲಹೆ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: ಕೋವಿಡ್‌–19 ಚಿಕಿತ್ಸೆಯಲ್ಲಿ ರೆಮ್‌ಡಿಸಿವಿರ್ ಅನ್ನು ತರ್ಕಬದ್ಧವಾಗಿ ಬಳಸಬೇಕೆಂದು ಸರ್ಕಾರ ಸೋಮವಾರ ಸಲಹೆ ನೀಡಿದೆ.

ರೋಗಿಗೆ ನೇರವಾಗಿ ಚಿಕಿತ್ಸೆ ನೀಡುವ ಹಿರಿಯ ವೈದ್ಯರು ಮಾತ್ರ ಈ ಜೀವ ರಕ್ಷಕ ಔಷಧಿ ಬಳಸಲು ಸೂಚಿಸಬೇಕು ಎಂದು ಅದು ಒತ್ತಿಹೇಳಿದೆ.

ಈ ಔಷಧಿಯನ್ನು ಆಸ್ಪತ್ರೆಗಳು ಮಾತ್ರ ಒದಗಿಸಬೇಕು ಮತ್ತು ರೋಗಿಯ ಸಂಬಂಧಿಕರನ್ನು ಹೊರಗಿನಿಂದ ಖರೀದಿಸಿ ತರುವಂತೆ ಸೂಚಿಸಬಾರದು ಎಂದು ಸರ್ಕಾರ ಎಚ್ಚರಿಕೆ ನೀಡಿದೆ.

ರೆಮ್‌ಡಿಸಿವಿರ್‌ನ ದುರುಪಯೋಗವನ್ನು ತಡೆಯಲು ಮುಂದಾಗಿರುವ ಸರ್ಕಾರ, ತುರ್ತು ಸಮಯದಲ್ಲಿ ಈ ಔಷಧಿಯನ್ನು ಸಲಹೆ ಮಾಡಲು ಅಥವಾ ನೀಡಲು ಬಯಸಿದರೆ, ಕರ್ತವ್ಯನಿರತ ವೈದ್ಯರು ಹಿರಿಯ ಅಧ್ಯಾಪಕ ಸದಸ್ಯ, ತಜ್ಞ ಅಥವಾ ಉಸ್ತುವಾರಿ ಘಟಕದೊಂದಿಗೆ ದೂರವಾಣಿ ಸಮಾಲೋಚನೆ ನಡೆಸಬೇಕು, ನಂತರ ಅದನ್ನು ರೋಗಿಗೆ ನೀಡಬೇಕು ಎಂದು ಸರ್ಕಾರ ಶಿಫಾರಸು ಮಾಡಿದೆ. ಅಲ್ಲದೇ ಆ ಆದೇಶ ಅಥವಾ ಸಲಹೆಯನ್ನು ಸಂಬಂಧಿಸಿದ ಕರ್ತವ್ಯನಿರತ ವೈದ್ಯರ ಹೆಸರು, ಸಹಿ ಮತ್ತು ಸೀಲಿನೊಂದಿಗೆ ಆಸ್ಪತ್ರೆಯ ಕಡತದಲ್ಲಿ ದಾಖಲಿಸಬೇಕು ಎಂದು ಸೂಚಿಸಿದೆ.

ಸರ್ಕಾರ ನೀಡಿರುವ ಸಲಹೆಯ ಪ್ರಕಾರ, ಪ್ರತಿ ಆಸ್ಪತ್ರೆಯು ವಿಶೇಷ ಔಷಧ ಸಮಿತಿಯನ್ನು (ಎಸ್‌ಡಿಸಿ) ರಚಿಸಬೇಕಾಗಿದ್ದು, ನಿಯತಕಾಲಿಕವಾಗಿ ರೆಮ್‌ಡಿಸಿವಿರ್ ಬಳಕೆಯನ್ನು ಪರಿಶೀಲಿಸಬೇಕು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು