ಬನಿಹಾಲ್‌/ಜಮ್ಮು: ರಂಬಾನ್‌ ಜಿಲ್ಲೆಯಲ್ಲಿ ಭಾರಿ ಮಳೆ ಮತ್ತು ಭೂಕುಸಿತದಿಂದಾಗಿ ಜಮ್ಮು ಮತ್ತು ಕಾಶ್ಮೀರದ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಶನಿವಾರ ವಾಹನಗಳ ಸಂಚಾರವನ್ನು ಸ್ಥಗಿತಗೊಳಿಸಲಾಗಿತ್ತು.
ಈ ಹೆದ್ದಾರಿಯಲ್ಲಿ ಮಗರಕೋಟ್‌ ಬಳಿ ಭೂಕುಸಿತವಾಗಿದೆ. ಇದರಿಂದ500ಕ್ಕೂ ಅಧಿಕ ಭಾರಿ ಮತ್ತು ಲಘು ವಾಹನಗಳು ಹೆದ್ದಾರಿಯ ವಿವಿಧ ಹಂತಗಳಲ್ಲಿ ಸ್ಥಗಿತವಾಗಿವೆ.
ಭೂಕುಸಿತದಿಂದಾಗಿ ಎಲ್ಲ ವಾಹನಗಳ ಚಾಲಕರಿಗೆ ಬನಿಹಾಲ್‌ ಅಥವಾ ರಂಬಾನ್‌ ಕಡೆಯಿಂದ ಹೋಗುವಂತೆ ಕೋರಲಾಗುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
