ಶನಿವಾರ ಬಿಡುಗಡೆ ಮಾಡಿರುವ ವಿಡಿಯೊದಲ್ಲಿ ಮಾತನಾಡಿರುವ ಕಫೀಲ್ ಖಾನ್, ‘ಉತ್ತರ ಪ್ರದೇಶ ಸರ್ಕಾರ ನನ್ನನ್ನು ದೀರ್ಘ ಕಾಲದ ಅಪರಾಧ ಹಿನ್ನೆಲೆಯುಳ್ಳವರ ಪಟ್ಟಿಗೆ ಸೇರಿಸಿದೆ. ಜೀವಮಾನ ಪೂರ್ತಿ ಪೊಲೀಸರು ನನ್ನನ್ನು ಮೇಲ್ವಿಚಾರಣೆ ಮಾಡುತ್ತಿರುತ್ತಾರೆ. ಇದೊಂದು ರೀತಿ ಒಳ್ಳೆಯದು. ನನ್ನ ಜತೆಗೆ ಇಬ್ಬರು ಭದ್ರತಾ ಸಿಬ್ಬಂದಿ ನಿಯೋಜಿಸಿದರೆ, ಅವರು ನನ್ನ ಮೇಲೆ 24 ಗಂಟೆಗಳ ಕಾಲ ಕಣ್ಣಿಟ್ಟಿರುತ್ತಾರೆ. ಕನಿಷ್ಠ, ನಕಲಿ ಪ್ರಕರಣಗಳಿಂದ ನನ್ನನ್ನು ನಾನು ಉಳಿಸಿಕೊಳ್ಳಲು ಇದರಿಂದ ಸಾಧ್ಯವಾಗುತ್ತದೆ‘ ಎಂದು ಹೇಳಿದ್ದಾರೆ.