ರತ್ಲಮ್ (ಮಧ್ಯಪ್ರದೇಶ): ಬಿರು ಬೇಸಿಗೆಯಿಂದ ತತ್ತರಿಸಿದ್ದ ಬಾಲಕನೊಬ್ಬ ಏರ್ ಕೂಲರ್ ಮೊರೆ ಹೋಗಿದ್ದಾಗ ದುರತಂವೊಂದು ನಡೆದಿದೆ. ಏರ್ಕೂಲರ್ ಸ್ಫೋಟಗೊಂಡು 7 ವರ್ಷದ ಬಾಲಕ ಮೃತಪಟ್ಟಿರುವ ಘಟನೆ ಮಧ್ಯಪ್ರದೇಶದ ರತ್ಲಮ್ನಲ್ಲಿ ಮಂಗಳವಾರ ನಡೆದಿದೆ.
ಮೃತ ಬಾಲಕನನ್ನು ದಕ್ಷ ಎಂದು ಗುರುತಿಸಲಾಗಿದೆ.
ಮೃತ ಬಾಲಕ ಸೆಕೆಯಿಂದ ಪಾರಾಗಲು ಮನೆಯಲ್ಲಿದ್ದ ಏರ್ಕೂಲರ್ ಬಳಸಲು ಮುಂದಾಗಿದ್ದಾನೆ. ಈ ವೇಳೆ ಏರ್ಕೂಲರ್ನಲ್ಲಿ ಏಕಾಏಕಿ ಬೆಂಕಿ ಹೊತ್ತಿಕೊಂಡು ಸಿಡಿದಿದ್ದರಿಂದ ಬಾಲಕ ಮೃತಪಟ್ಟಿದ್ದಾನೆ.
ಘಟನೆ ನಡೆದ ವೇಳೆ ಬಾಲಕನ ತಂದೆ ಹಾಗೂ ತಾಯಿ ಮನೆಯಲ್ಲಿರಲಿಲ್ಲ ಎಂದು ಪೊಲೀಸರು ತಿಳಿಸಿರುವುದಾಗಿ ಪಿಟಿಐ ವರದಿ ಮಾಡಿದೆ.